【校園】【純愛】那天來了一位交換生: 第二十九章

我嗌咗個雙層芝士孖堡餐 雪碧走冰    

而佢就要咗個脆辣雞腿包餐 可樂走冰 然之後仲要加兩件脆香雞翼

當我諗住比錢嘅時候

Cherry截住咗我

Cherry：今次我俾啦 頭先你都畀咗好多錢去玩啦 



我：唔係幾好意思嘅

Cherry：我唔理呀 如果你要比嘅話 我嬲死你呀

唔駛去到咁盡掛 一餐飯姐

我：咁多謝哂你啦

Cherry：hehe



我真係好幸福呀

我哋攞咗嘢食然之後搵咗位坐低

跟住就一路食一路吹下水咁

突然 佢用條薯條指住我

我：做咩呀



Cherry：你擘大個口啦

我唔知佢想點

我一擘開口 佢就隊咗條薯條落我個口度

我咬住條薯條 

呆咗一陣先知發生咩事

呢啲係咪戀愛嘅感覺

嘿嘿

對唔住呀 咁多位大佬



咁人哋初戀呀嘛 咁緊係少少嘢就會好開心架啦

Cherry：又係得我餵你 咁我呢

我即刻攞咗一條薯條比佢

我喺條薯條就嚟比佢咬到嘅時候

遞高少少 等佢咬空氣

佢望到就伸直條頸再咬

我再攞高



Cherry：玩我嘅 乞人憎 正衰人

跟住係度打我隻手臂

我：好啦好啦 我唔玩你啦

今次我比佢食到條薯條

佢一路食一路甜笑

好得意呀

打打鬧鬧咁食完嘢之後

我哋就一齊走



話晒都成11點啦

今晚我哋冇再食甜品

我直接送佢返屋企

一路上 我哋都係十指緊扣

呢種感覺真係好開心

完全唔想理身邊嘅事

行咗一陣就到咗佢屋企樓下



Cherry：你等一陣呀 我上去攞少少嘢呀

我：你會返落嚟架可

Cherry：唔知架 可能你要等到聽朝架

我：咁我去買睡袋先

Cherry：傻仔

講完佢就上咗去

過咗應該無4分鐘佢就落番嚟

我有一刻真係諗過佢會唔會玩我 要我等天光

不過 量佢都唔敢啦

佢返嚟嘅時候仲攞住一袋嘢

佢遞咗個袋比我

Cherry：送比你架 聖誕快樂呀 阿豪

我望一望部電話

原來一早過咗12點

再望下個袋裡面係咩

係一條純白色嘅頸巾

Cherry：你一定要帶著佢呀

我：你織架

Cherry：係呀 係咪好核突呀

我：唔係呀唔係呀 真係好靚呀 多謝你呀

我即刻攞條頸巾出嚟 帶住佢

Cherry：點呀 舒唔舒服呀

我：唔係講笑 溫暖牌真係溫暖牌 好正呀

Cherry：你鍾意就好啦 咁我返去啦

我：等陣先 我都有啲嘢比你呀

我係褲袋到攞咗個袋仔出嚟

我遞咗比佢

Cherry：咩黎架

我：你開嚟睇下咪知囉

Cherry打開咗個袋

呆咗一陣

Cherry：點解你會有呢條手繩架！！！！

我：買咪有囉

Cherry：但係佢係非賣品嚟架喎

我：總之我有辦法啦

我攞咗另一條手繩出嚟

我：佢哋係一對架

Cherry即刻攞咗嗰條

Cherry：我幫你帶吖

Cherry幫我帶完之後 就要我幫佢帶

Cherry：我哋不如影張相吖

我：好呀

跟住我哋就拖住手咁自拍咗一張

Cherry：好喇夜喇 你快啲返去啦

我：知喇 你早啲訓啦

Cherry：知喇長氣 返去啦 

佢錫咗我一啖

Cherry：聖誕快樂呀 傻仔

我：嗯 聖誕快樂呀 傻妹

跟住佢就轉身行入去佢屋企大堂

我望住佢入咗lip之後我就返屋企

返到去 同Cherry報完平安之後

我就即刻沖涼訓覺

今日真係好撚攰

但係又好開心