【校園】【純愛】那天來了一位交換生: 第三十一章

過多無耐之後 就到咗12月31
  
我哋成班兄弟諗住一齊出嚟倒數

當然Cherry都會嚟啦

到時阿朗都會係度
  
話說阿龍就好似已經變咗我哋兄弟團裡面其中一個咁



每次踢波打機都會搵埋佢

之後文哥喺whatsapp到講咗一句嘢 

令我哋全部人都好震驚

文哥：我到時會帶多一個人嚟

我哋全部人即刻瘋狂炸佢機 問佢會帶邊個嚟



文哥淨係同我哋講話到時我哋就知

挑 

懶神秘

但係我真係好好奇會係邊個

唔通我個日見到嘅真係佢？



終於

去到夜晚

我哋咁多個約係IG pier 果度倒數

而我就同Cherry一齊去

我哋今日以情侶裝出戰

唔係咩呀

呢啲時候梗係要揼下閃光彈架啦

唔係等幾時呀



我哋都比約定時間早到

佢哋全部都未見人

係好正常嘅事

因為我哋每次無論約踢波定係約打機

佢哋都冇一次係會準時

算 

一早已經慣咗



但係佢哋冇幾耐都嚟咗

阿朗仲帶咗個女仔過嚟

全世界即刻係度起哄

金仔：原來阿朗你又有女架

阿朗：係呀  同大家介紹 佢係我女朋友 Kristy 

阿峰：你哋一齊咗幾耐呀 未聽你提過嘅

阿朗：其實我哋一齊咗兩年架喇 但係唔係幾想周圍講姐

傑仔：屌 而家有兩對情侶係度 好銀眼啊



話口未完 文哥就黎左

文哥：sorry呀 我遲咗

我正想出聲屌佢嘅時候 佢身後面果個人令到我呆咗

我：曉彤？

文哥點解會同曉彤一齊架

佢唔係走咗嫁咩

曉彤：Hi 阿豪 好耐冇見喇 靚仔咗喎



我：好耐冇見......

阿軒佢哋都望過嚟

幾把聲同時係度嗌：屌！！！！！

成街都望過嚟

errr 尷尬囉

文哥：知你哋實屌我同想問我好多嘢架啦 我講咗先啦

原來當日曉彤走咗無耐之後

佢有搵文哥

我：屌你 唔同我講

文哥：話俾你知有撚用咩 你又唔係鍾意佢

曉彤突然係度扭佢耳仔

曉彤：唔准講粗口呀！！

文哥：對對對唔住

睇嚟文哥俾人食住曬

好彩我冇事啫

文哥繼續係度講

曉彤當年原來因為屋企有事去咗新加坡一段時間

而佢同文哥一直都有聯絡

曉彤兩個月之前返咗嚟

而文哥同佢亦都好快喺埋一齊

傑仔：我頂 啱啱講完有兩對情侶 而家又加多對

阿軒：我哋識錯兄弟喇

其實我仲慘

原來我仲係擺脫唔到三哥魔咒

算啦

我都幾鄧文哥開心嘅

可以同自己鐘意嘅人一齊係一件好幸福嘅事

而且佢哋兩個一個願打一個願捱

襯到絕

我：我係幾鄧你開心嘅 但係唔可以因為咁唔踢波同打機囉

講完之後 我個背脊好寒

有四個人八隻眼睥住我

我

好似講錯嘢添

我：強哥 你條女你咁

傑仔：係喎 唔見人嘅

強哥：冇法啦 佢屋企人唔比佢出夜街架 都慣架喇 無咩所謂

佢話就話無所謂

其實我哋都知道佢好唔開心

點解我哋會知？

做咗幾年兄弟 唔使下下講出口嘅

有啲嘢心照啦

我望一望Cherry

我咩都未講

Cherry：明啦 你陪下佢啦 我哋女子組可以有啲時間講下你哋壞話

我錫咗佢一啖

我：果然都係你對我最好

跟住我哋咁多個就拉咗強哥去吹水

女子組亦都開始有講有笑












美好嘅回憶往往都係充滿住苦澀嘅味道