【校園】【純愛】那天來了一位交換生: 第五十九章

唔知過咗幾耐之後

終於都到咗我哋喇

雖然真係好凍

但係排隊嘅過程當中真係覺得好溫暖

坐咗上去之後



Cherry就好似一個細路女咁周圍望

咁都唔可以怪佢嘅

話晒係佢嘅第一次呀嘛

不過我都好耐無搭過摩天輪

以前細細個嘅時候



老豆老母成日都會帶我周圍去玩

但係大個咗之後佢哋兩個都開始冇咩點理我

相處嘅時間就越來越少

跟住而家仲要成日去外國出差

真係一年都唔知有冇見到十次



雖然而家我已經坐緊係個摩天輪上面

但係果種感覺始終都係唔同

一個種同父母一齊嘅時候嘅果種親子樂趣

另一種就係同你心愛嘅人一齊既甜蜜

人係長大嘅路途上將會失去一啲嘢

但係同時你亦都會獲得一啲嘢

所以當你失去咗某啲嘢嘅時候

嘗試下唔好淨係喺度懷緬過去



試下去珍惜一下你仍然擁有嘅嘢

死嘞

又講遠咗添

隨著摩天輪一直轉

坐係我隔離嘅Cherry都仲係咁興奮

咁大個日都仲係成個細路女咁嘅

不過望到佢咁開心



我都好滿足

當我哋去到最高點嘅時候

Cherry突然之間望住我

唔係講笑

佢突然間咁望住我

我都嚇咗一嚇

Cherry：多謝你呀

我：做咩無啦啦多謝我呀 



Cherry：如果唔係你 我可能無機會過一啲咁開心嘅聖誕節

然之後佢就行過嚟攬住我

我輕輕咁摸下佢個頭

然之後我feel我褲袋果一盒嘢

我攞咗出嚟

我：送比你架

Cherry：咩黎架



我：你打開咪知囉

其實係一條頸鏈

條頸鍊上面有一隻印著咗MO & Cherry嘅戒指

Mo其實係用返我個花名毛仔去改

因為我本身個英文名太柒 唔想用

所以就用咗呢個

Cherry：好靚呀

跟住我就幫佢帶起左條頸鏈

Cherry：你自己整架

我：係呀 所以之後我每一次見你都要見到條頸鏈架 如果唔係你就死梗

跟手我就搣咗佢個鼻一下

Cherry：知道啦 多謝你比咗一個咁完美嘅聖誕節我呀

講完佢就撲咗埋嚟錫咗我一啖

好

我而家向大家宣佈

情人節之浪漫史之夜大作戰

大成功！！！！！！！！