【校園】【純愛】那天來了一位交換生: 第六十五章

當日我 文哥 強哥 阿朗嗰啲都會去   

Cherry都會帶佢自己嘅三個姊妹去

個三個姊妹對成個故事冇乜影響

所以我姑且叫佢哋ABC就算

無耐就到咗Cherry生日嘅大日子



作為男朋友嘅我

緊係要去接我嘅女王陛下啦

我：我到咗你屋企樓下啦 落嚟啦

Cherry：又會咁準時嘅

我：我女神生日喎 點可以唔準時呀 



Cherry：又係度口花花 我而家落嚟啦

Cherry落咗嚟之後

我望到佢個一刻








我呆撚咗






佢今日著咗一件白色長袖衫

然之後再加一條米色百褶裙

同埋一對啡色長筒boot

再加埋佢今日冇紮頭髮



成個感覺係清純得嚟又帶點成熟感

我：我要好好多謝個天

Cherry：點解咁講呀

我：佢比咗一個好完美嘅女朋友我

Cherry：你今日做咩呀

我：咩做咩呀 講事實咋嘛

Cherry：你好耐都無試過咁口花花啦喎 係咪做錯事呀你



我：痴線 讚下自己女朋友都要原因架咩

講完我就好似閃電俠咁快咁錫咗佢塊面一啖

Cherry塊面即刻紅到仆街

Cherry：好衰啊你 成日都偷襲人

我：咁我最多俾你偷襲返囉

Cherry：我唔理你呀

雖然佢講就咁講

但係佢收唔到佢塊面上面嗰個好甜嘅微笑



我行咗過去

拖住佢隻手

我：行啦傻妹

上咗巴士之後

我哋去咗上層嘅前排位置

佢坐窗口位

而我就坐路口位



跟住佢就挨咗係我膊頭休息

兩頰有少少baby fat 

再加上嘟起左嘅雙唇

真係好可愛

我微微撥開佢前陰嘅頭髮

同時係心裡面提醒自己一定要好好咁珍惜佢 照顧佢