【校園】【純愛】那天來了一位交換生: 第六十九章

然之後其實都冇咩特別事可以講 

咪又係間唔中出嚟拍吓拖咁囉 

都無嘢可以寫都畀你哋睇 

不過所有開心嘅時光都會有完結嘅一日 

咁快分手？



痴撚線咩 

啱啱慶祝完生日就分手 

三色台咩 

只係... 

Miss Chou：好啦 大家好好珍惜同交換生嘅時間啦 因為今個禮拜係佢哋係度嘅最後一個禮拜啦 



等到呢句說話 

成班都下咗出聲 

原來唔經唔覺已經過咗半年 

又係到咗學期尾嘅時候 

不過呢個時候可能有好多人會有疑惑 



點解可以exchange咁耐 

其實佢哋唔係日日都係到  

佢哋會定期返自己學校做下類似報告嘅嘢 

同埋因為我哋兩間學校算係姊妹校 

所以教嘅嘢同埋進度都差唔多 

返返嚟先 

雖然真係好唔想佢走 

但係正所謂天下無不散之筵席 



佢始終會有一日返去 

同埋就嚟考試 

大家都要專注返學業 

無辦法啦 

鬼叫我哋仲係學生咩 

不過唯一擔心嘅係其實兩間學校嘅距離真係比較遠 

所以之後可能有啲難見面 



不過應該冇事嘅 

我哋又唔算住得遠 

要見一定見到嘅 

-

放咗學之後 

我同Cherry都去咗拍拖 

但係我哋兩個之間都好似有一種講唔出嘅氣氛 

有啲悲傷嘅感覺 



因為大家都知道好快就唔會好似依家咁成日見 

Cherry：你擔唔擔心呀 

我：擔心乜嘢呀 

Cherry：我哋下個禮拜之後就唔可以成日都見 

我：咁唔係成日見都唔代表我哋唔會聯絡架嘛 

Cherry：但係我驚我哋見少咗關係會淡 

我：傻豬嚟嘅 又唔係成年冇得見 最多都係隔一兩日姐 



Cherry：咁我真係驚嘛 

Cherry講到隻眼都開始濕 

我拉佢埋嚟 跟住攬住佢 

我：人哋long D都係咁啦 我哋唔會有事架 

唔知係咪我嘅錯覺 

係我講long D嘅時候

佢個身好似震咗一下 

我幫Cherry抹咗啲眼淚 

我：你咁易喊 我點會唔留係你身邊 

Cherry：你真係要成日約我架 

我：知啦傻 

時間話咁快就過咗一個禮拜 

係呢個禮拜裡面 

成級都充滿住依依不捨嘅氣氛 

始終大家相處咗半年又要分開返 

所以全部人都好珍惜淨返嘅時間 

每日放學都會留係學校一齊玩 

跟住星期六日都會約出嚟 

其實唔係淨係我 

今次嘅呢個交流活動 

大家都識咗一班好重要嘅朋友 

而家諗返真係得返中學先可以咁容易識到朋友 

去到大學同埋出到嚟社會 

好多人都會有心機 

會有好多陰謀 好難會再搵到真心嘅朋友 

所以大家要好好珍惜身邊果啲好重要嘅朋友