【校園】【純愛】那天來了一位交換生: 第七十二章

時間過得好快

話咁快就已經去到要考試嘅時候

我同Cherry都keep住每個禮拜都會有起碼4日會一齊出嚟溫書

雖然我都唔係好專心溫書

咩啫



咁鬼叫佢吸引過本書咁多咩

因為咁我都唔知比佢鬧過幾多次

但係我自己返到屋企都有自己溫書

所以佢之後都費事理我

咁我都有認真溫書嘅



始終我都想要贏佢

話晒都係佢男朋友

我都唔想畀人話我差過佢

可能係因為獅子座

我唔鍾意畀人話我廢



我更加唔想俾人話我癩蝦蟆食天鵝肉

雖然我知道Cherry會介意其他人講咩

但係我都唔想有呢啲閒言閒語

同埋我都好想見到佢為我自豪嘅樣

你都見啦

我份人唔鐘意讀書

上堂訓教

又唔交功課



可能我會係一個好男朋友

但係我絕對唔會係一個好學生

雖然兩樣嘢完全唔關事

我想講嘅係

我都好想比Cherry見到佢男朋友都可以好叻

我希望比佢知道我其實唔係一個廢柴

我知道其實佢一直都好緊張我啲成績



而家佢唔再喺我身邊

佢無得再督住我專心上堂

佢應該仲擔心

所以我要做嘅嘢就係我要俾佢知道

其實我做到

咁考試都冇咩好講啦

不過真係要屌下班仆街

唔知大家讀書嘅時候係咪都係會有啲咁嘅仆街



一班裡面實會有幾條撚樣係咁為自己唔記得溫書

每次聽到都好撚忟憎

無溫書好撚威咩

洗唔洗周圍同人講

屌

最撚火滾嘅係

通常呢啲嗌冇溫書嘅仆街



就係最高分嗰幾個

真係屌晒老母

但係其實都要多謝呢啲人

有時都真係不得不承認

呢啲人會令到我哋嘅中學生涯更加特別

之後每次聽到有關考試嘅事

都會諗起佢哋

因為你上到大學

就無人會再同你咁樣玩

屌

又離題

話咁快就考完試

都冇咩好講

Cherry：點呀 有冇信心呀

我：自信就點都會有嘅 都溫咗咁多日啦

Cherry：但係你都唔係專心溫書嘅

我：咁我返到屋企都有自己溫書架

Cherry：咁我都有啦

咁由於我同Cherry唔係同一間學校嘅關係

我地用唔到排名比賽

所以我哋決定用咁多科嘅總平均分決勝負

0.01分都會變到好重要

繼續都係無咩可以講

所以我就直接跳到派成績表果日

其實我係幾緊張

自問自己讀書唔勁

但係我起碼盡咗自己最大嘅努力

MissChou：陳子豪

我慢慢咁行出去

攞到份卷之後

我唔敢打開佢

不過諗諗吓

其實我可以做嘅都已經做晒

呢個成績已經係我目前可以做到嘅最好

所以我只可以面對

我打開成績表

我連排名都唔睇

直接望個總平均分

我嘴角失守了

原來我盡全力會咁勁