【校園】【純愛】那天來了一位交換生: 第七十五章

我返咗屋企之後

咁啱咁今日老豆老母都咁啱喺屋企

我就俾咗張成績表畀佢

佢望完之後

佢摸下我個額頭



老母：你係咪發燒呀 竟然考到咁高分

我：你個仔我不知幾健康

老母：你咁大個仔唔好同阿媽講大話 你到底有冇出貓

我：咪癲啦 自己溫番嚟架

老母：睇嚟呢個女朋友搵得唔錯 起碼令你肯讀書先



我：唔比係我自己生性嘅

老母：你會嘅話我加你零用錢又點話

老豆：咁咪即係我又要比多啲家用...

聽完我就返咗入房

我攞住張成績表攤咗係張床上面



講真

我讀咗咁多年書

除咗以前個兩次出貓之外

我都好似冇攞過咁高分

其實呢種感覺到唔錯

大家見到我咁高分都好開心

同埋花咗咁多努力

然之後有一個好成績嘅感覺



好爽

雖然我贏唔到Cherry

但係學佢話齋

佢一直都咁努力溫書

咁容易比我追到嘅話

咁佢咪好慘

但係今次考試我見到原來我都有我嘅可能性



話就話今次係為咗贏

但係最後我好似發現咗其實自己做得到

我好想之後我身邊嘅人都可以好似今次咁

我好想再見到佢哋為我感到自豪嘅樣




考完試

又派埋成績表



咁大家都知道我哋梗係等放假架啦

日日返學都係訓覺或者搵人吹水

MissChou：大家過多兩個月就中六 DSE好快就到架啦 所以今個暑假我哋會開始補課

XX：搣時 我哋識照顧自己架 唔洗麻煩你啦

ZZ：唔嚟得唔得

MissChou：無得傾㗎啦 每年中六都係咁 你哋認命啦

原來已經係呢度經歷咗五年
五年話長唔長話短唔短



但係其實都可以經歷到好多嘢

好似我咁

我用咗五年時間

識咗一班可以Friend一世嘅兄弟

由form1好驚遲到

去到而家中五見到未必趕得切

就直接去茶餐廳食埋個早餐先返學

中一嘅時候

每日都好專心上堂

因為好想有好成績

去到中五

每堂都訓覺

再唔係就喺櫃桶食嘢同打機

中一放學就會好乖咁返屋企

中五放學都未敬禮就即刻衝落操場霸場

齊人就換波鞋除恤衫猜隊開波

打到校工屌鳩我哋學校要閂門先肯走

呢啲全部都係呢五年改變到我咁

雖然好似好差

但係我無後悔變成咁

因為咁樣過嘅每一日真係好開心

我想講嘅係
時間點都會過去

我哋可以做嘅就只有好好珍惜每一分每一秒

同喺自己身邊嘅人做更加多事

製造更多回憶

唔係叫你唔好讀書

只係唔好淨係得讀書

你唔會想遲啲大個咗生埋仔

你個仔問你中學有咩特別回憶

但係人哋就join咗好多event

又Christmas Ball又聖誕聯歡會

跟住有啲人又會講下自己點樣組學生會內閣燃燒青春

你到時就只會諗到平時點樣努力溫書 

放學就走去補習或者去自修室

見到個分別未

點解人哋個個咁充實咁開心

但係自己就淨係得讀書



及時行樂真係好重要