18歲: 4

晚飯過後，因為我們都選擇乘巴士，所以一起走。一路我們都沒有停止過聊天，就像「老朋友」一樣。

「原來我哋搭同一架巴士㗎，你都住西灣河？」我覺得神奇地說
「係啊，我哋以後補完習就可以一齊走啦」Charles說

我心想：真好，又可以對住你耐啲。
-
回到家後，我跟Charles又在Whatsapp聊天。
這樣的生活持續了兩個星期，每個星期補習完都一起吃飯再坐巴士回家，我們都熟悉了不少。
-




今天是星期五，又是可以見到Charles的一天。
我們依舊像以前一樣，但今天的他有些奇怪，欲言又止。
當他送我到家樓下時，他好像又有話要說，這次我終於忍不住，跟他說：
「點呀你？有嘢又唔講」
「冇..冇嘢呀，你上去，今晚早啲瞓啊」
我還沒回他話他就走了。
「屌，想點呀？」
我小聲地說。
-
我回到家，洗完澡，都還沒收到他的Whatsapp，覺得有點奇怪，明明平時這個時候他一定會找我的。




正當我打算開YouTube看影片時，看到了他傳來的訊息。打開看到後我就傻了。
「我有啲嘢唔知同唔同你講好，所以我今日先會欲言又止。我中意咗你，實則係幾時開始我都唔太清楚，我真正意識到個陣係我第一次帶你去食個間韓式餐廳，我同你講完係我個Ex帶我去個陣你冇再應我，我好驚你會嬲咗或者會覺得我仲未放底佢。但其實唔係，我已經放底咗佢，我依家中意嘅係你。」
當我看到一半時，他又傳來了訊息。
「我唔知咁樣會唔會好唐突，畢竟我哋嘅關係係學生同補習老師，再加上又唔係識咗好耐。不過我真係真心中意你架，雖然你對我嘅態度都好冷淡，但同你一齊個陣我覺得好自在。我唔知你中唔中意我，但我唔同你講嘅話，我會好唔安落。如果你之後真係覺得唔自在嘅，我會幫你搵過另一個補習老師。」
我看完後，我一直不知道該怎麼回覆他，我不是不喜歡他，只是不太想那麼快開始。
-
過了15分鐘，我才回覆他。
「其實我由一開始就已經中意咗你，至於點解會對你咁冷淡係因為我唔敢面對，唔想承認自己中意咗個補習老師。而個次食飯，係真係有少少嬲咗，但後尾諗返我又好似冇資格嬲。」
「但我唔想咁快開始，我仲未準備好，不如維持現況先？」
他很快就回覆了，但只回了「好。」




-
之後兩天我們都沒有聯繫對方。