18歲: 10

他從後面抱著我，說了句
「不如我哋公開啦。」
-
我呆了一呆，沒有馬上回話。

在我們剛剛在一起時，我跟他說暫時不想公開，因為我想待關係穩定一點再說，他也認同了。

他見我沒有回話，用了一個開玩笑的語氣說：
「我哋依家都'同居‘咗，你唔係諗住始亂終棄呀，定係出面有其他仔啊」
我心想：’始亂終棄係咁用架咩？‘




「公開咪公開，我先唔似你啊，成日咁多女係你啲相度comment」
「你呷醋呀？」他又靠近我耳邊說著，我縮了一縮
「車，我唔會呷埋啲咁嘅醋啊，係咪po啊」
「講笑咋，我驚你啲兵打我啊。」他鬆開了我，笑著說「眼瞓就刷牙跟住去我家姐間房度瞓啦，我仲未做完啊」
「唔得喎我要係度瞓！我要𥄫實你，點知你會唔會flirt其他女」
「你係度瞓咁我瞓邊啊？」
「同我一齊瞓！」
「你咁大份，霸咗大半張床啦肥豬」
「哦！！游嘉宏你依家嫌棄我啦！！」
「就算係豬，都係我係最愛嘅豬」




「口花花，我刷牙先，唔理你！」
我說完就走去廁所
「新牙刷係鏡後面個櫃啊」
「知啦！」
-
我刷完牙後，偷偷走到他背後
「哇！！！」
「屌你嚇死我咩！」
「平生不做虧心事，半夜敲門心不驚！講！咁驚做咩！係咪溝緊女！」
「冇阿女朋友大人！！冤枉啊！我睇緊都市傳說咋！」說完就遞出電話給我看




「姑且信住你先，我瞓啦，你都唔好咁夜啦！」
「嗯，知啦長氣！」
「你漏咗樣嘢未做喎」
「未做啲咩？」
「真係唔知？」
「咁算啦，我瞓啦」
我走上了床，看到他在我後面
「你做..嗯..」
他親了上來
「Good Night Kiss」
我沒有理會他，直接躺上了床，他又親了上來，這次是親在我面頰上。
「早唞，老婆」
這是他第一次這樣叫我。