那一天我成為了練習男友: 【XI】女神

「你乜水阿，竟然夠膽蝦我條𡃁？」

行過嚟嘅竟然係阿月！

係女神阿~

「但我係你男朋友喎，吾係你條o靚喎。」我冤枉地說。

「你收嗲，而家我鬧緊佢，唔到你出聲！」



又嚟啦，蠻不講理嘅咆哮聲。

我都比佢屌到聲都唔聲下，費時又要捱屌。

「我一早話你係ptbf架啦。」阿基係我耳邊細細聲咁講。

「屌你靜啲啦，係咪想比人屌埋一份阿？」我都好細聲咁答佢。

佢對住我傻笑，但其實我明明好認真，而佢就當花生禁食......



而周圍嘅人都係都議論紛紛。

「呢個咪就係隔離班果個新嚟嘅轉校生？咩來頭先？」
「好似都幾靚女喎。」
「佢唔係同果個寒酸窮撚一齊咁晒掛？」

「允天月小姐，初次見面，我係鄧......」

「我唔係幾想知你究竟係邊個，我淨係希望你同我隔離呢位凌希神同學講對唔住啫。」



仆街，真係女神再世啊~

「恕我未能達成你嘅願望啦阿月，因為係呢位同學模捏我在先，我當然要佢向我道歉啦。你吾係諗住選擇去相信呢個獅子開大口嘅人掛？」

「你話係唔係啊希神？」阿月問我。

「唔係啊，佢真係搵人嚟打我架，睇我塊面都知啦。」我抒發出自己嘅愁緒。

「聽到啦啊鄧唔知乜乜。」

「阿月你覺得我會做啲咁嘅嘢咩？」

「我唔識你，無法評價，但我會去相信希神，我要講嘅係咁多，唔該你唔好再為難希神。」佢拖住咗我，臨走前講左句：「同埋唔該，唔好叫我做阿月，我哋其實唔係好熟架咋，鄧同學。」

阿月拖住我離開之後，周圍患有花生症侯群嘅各位亦都散去，但好明顯，大家對於個條人仔都係持信任嘅態度，並覺得阿月係傻撚咗嘅。



人仔依然嬲爆爆咁呆企咗係度。

似乎打緊佢心中嘅如意算盆......

至於我嚟邊。

「原來就係果個鄧同學打你？」

我默默點頭，並說：「我發誓自己無講大話，同埋，多謝你，阿月。」

我第一次覺得原來佢係有可靠嘅時候嘅，而唔只係一個虛有其表嘅千金。

「咁你同佢比，你個樣老實咁多，信你都好正常啫，唔通信果個淫佬咩？」



「雖然你信我我好開心，但係你搵我同佢對比未免太貶低我掛......」

「死窮撚同我企係度！」人仔突然間好大聲係條走廊都嗌。

我先唔會擰轉身再佢，我認佢咪即係認自己係又窮又撚嘅人？

「我係唔會認同你架，你自己小心睇路啦。」

講完呢句佢就返咗自己班班房。

呢條友應該真係要check下智商睇下係咪中度弱智，最好帶埋兩條𡃁一齊驗。

我都唔想窮架，我又無你咁識投胎，而家仲要比你恰我，真係慘。

我一路行一路望住阿月，好似有啲唔對路......



「你笑得咁開心做乜，你好鍾意睇我俾人蝦咩。」

「吾係呀，只不過你好似終於唔抗拒我，所以覺得今鋪掂硬。」

狗，原來淨係想我接受分工，等我仲咁開心。

不過算啦，佢啱啱都幾型嘅。

一起身已經搞出咁大件事，陣間上堂恰一恰定下驚先。

今日無中文堂，真係好幸福啊¬¬¬

第一堂嘅英文又可以hea，諗起就正。



「今日英文老師無返，所以今日我會攞咗佢個堂做綜合。」

。。。。。。

大肥婆，你放過我啦，我真係寧願俾人仔兩條o靚打多拳算啦！