「2070年的香港」《Vicarious》: 17

棍波車？！
 
呢個年代竟然仲有人揸棍波車，全部都轉哂自動波啦，好彩以前睇過啲舊電影算叫做明白佢嗰原理啫！
 
對了，這世界並不像老電影中的未來世界一樣充滿各種神奇的科技，因為在2020年武漢肺炎導致全球人口銳減，各種經濟科技發展停滯不前，好像是到了我出生那年代才叫有復甦的跡象。
 
雪兔望一望駕駛座的棍波箱，問
「喂，你識唔識揸架！」
 
「識！我有車牌架」




 
「真係識？！呢個車睇落唔同普通車喎！」
 
「放心，以前睇戲學過！」
說完我馬上發動車輛，向外面的馬路駛去，雪兔嚇得緊上捉緊扶手，口中念念有詞地說著各地宗教的神的名字.....
 
杰仔聽到我們的對話後 說
「你地嗰架棍波嚟架？！」
 
「係呀！」我回應




 
「喂，我識渣喎！」
 
「真係識？！」我和雪兔異口同聲
 
「屌你地啦 我灣岸20DX棍波車神嚟架！」
 
「屌你打機還打機呀！！」
雪兔已經被我嚇得失去儀態
 




「信我啦仆街！」
杰仔快速地向我講解波箱構做
 
「總之你地架車起步行順左就轉二波」
 
我馬上踩下極力子，同時把波棍拍左拉下
車輛變成了2波了！
 
「好啦，依家入左馬路，之後點做」
我問杰仔
 
「上3波啦，之後直推5波啦，凌晨時間直去啦，」
 
「一 二 一 二，隻腳。屌你老母小兒麻痹呀，比油啦！又夠鐘開追悼會啦......」
 




耳機中的杰仔又發噏瘋
 
很快我終於識得控制架棍波車，唔通我真係車神？但我旁邊的雪兔早已嚇得神不守舍。
 
終於我們逃離了現場，我們找了一個後巷停下，準備對車輛進行掃描。
 
雪兔一落車就吐了一地都是，並對我說了句：「粉腸....」
 
「咩啫，你坐車會嘔你唔粉腸....」
然後我便拿出反追蹤儀器掃描車身，並沒有任何發現。
 
我上返架車，之後雪兔同我講
「死臭狐....我自己行返去得架啦，我唔想冇左條命，基地見...」
 
「好吧好吧，咁基地見啦....」




我無奈地回答，我的車技也沒那麼差吧
就只是剛剛左搖右擺了一會兒，漂移入了幾個彎，差一點撞上欄杆而且，也不至於這樣吧....
 
然後我便慢慢把車駕回基地
 
有驚無險終於返到基地！
「嗚.....估唔到棍波車咁好玩」我鬆開安全帶。下車伸展了一下。

我向地下車庫的工作人員示意，他們便開始了搬運工作，把車箱中的軍火陸續搬回武器庫。

「辛苦晒各位手足。」
「應份嘅，我地要感激你地前線就真！」
「兄弟爬山啦，哈哈！」

「好，依家等埋蕎佢返嚟就交任務～」





我用通訊裝置打給雪兔

「喂，靚女返到嚟未呀，我到左啦」

「仲有5分鐘到啦死臭狐，情報中心等我啦」

一會兒，雪兔就回到了基地
我和她一起走向情報中心的櫃枱

「恭喜兩位完成任務，以下係你地嘅獎勵。」

我：「啲V幣交哂比杰仔得架啦，我地兩個只需要載具換領卷，唔該。」

交完任務後，我和雪兔也返回房間休息





「喂，你記得應𠄘過我啲咩架可？」

「緊係記得啦雪兔大人，有得同靚女一齊行街街點會唔記得。聽日十點門口等？」

「哼....口甜舌滑，平時都唔知係咪咁呃女仔，算你啦...咁聽日見啦。」

「好啦，你都早啲休息啦。」