「2070年的香港」《Vicarious》: 21

五天後，我叩響了V的門.....
 
「我果然冇睇錯你....赤狐」

「任務詳情係點...」

「我地好耐之前成功派左一個臥底去實驗室....」

「而我需要你去大埔工業村嘅呢個地點...」





V拿出了一份情報，

「威力工廠大廈，嗰到係實驗室嘅檔案中心，有大量生化人把守。你要潛入呢個地方，然後假裝被人發現，最後被送往實驗室....」

「你又知佢地一定係將我送過去實驗室，而唔係殺左我？」

「我都唔知....可以話係一場賭博」

「好！我就同你賭一鋪！」
我用力拍檯




「但係成功光復左之後，我要同雪兔隱退，無論以後發生咩事，我地兩個都不再過問，好似普通人咁生活，得唔得！」

「得....」

「好！咁我要準備啲咩！」

「一個堅定不移嘅信念...」

「明白」





「當計劃成功後，我地嘅臥底會來接應你.....她叫「依蕾」，喺實驗室科研小組工作....」

「到時你要帶住佢逃出實驗室，返回基地，佢喺一個不可多得嘅人才，做唔做到？」

「世上無難事....」

「好，咁你準備好就隨時出發啦！」

我離開了V的房間，接下來的一天，我都和雪兔渡過，不同的是我更珍惜眼前的這個可人兒。
雪兔房間內

「喂....眼甘甘咁望住人做咩！又諗咸濕嘢呀！」
雪兔作勢擋住自己胸部

「冇.....純粹想望住你啫....」





「奇奇怪怪....」

我親了一下雪兔的額頭，並輕擁著她

「傻妹.....」
我欲言又止....

「做咩呀？」
雪兔圓滾滾的大眼睛一眨一眨地望著我

「無野啦....」
我把懷中的雪兔抱得更緊，並貪婪地吸著她的氣味，生怕以後再也不能聞到這位佳人的香氣。

「好癢呀....」





「Babe....我今晚想係你間房攬住你瞓....」

雪兔假裝生氣著說
「得係得，但係如果你夠膽對我出手我就打死你！淨係比攬住瞓！唔準做其他嘢！知唔知！」

「咩係其他嘢...」
我裝傻扮懵

雪兔臉蛋馬上泛紅，輕力推開我
「你再玩嘢我就趕你出去！」

「對唔住雪兔大人！」

「哼.....」





我再次抱緊雪兔....並親了一下她的面頰

「最多....最多只可以錫錫....」
雪兔的臉仍然泛紅著。

我微微一笑
「好呀，雪兔BB」

雪兔本想作出回應，但很快被人堵上了嘴巴....

我把舌頭伸進雪兔的嘴巴，雪兔起初緊閉著嘴唇，慢慢地卸下了防線，然後也主動伸出到舌頭，我們兩人的唾液在唇舌交纏中互相融合 。雪兔不斷發出誘人的熱氣與喘息，我們二人的呼吸又不斷地交換著。

我把頭慢慢地別開，唇舌分離的那一剎，牽著一絲絲銀絲，是兩人激情的證明....





「狐狐....」
雪兔的臉頰顯得更紅，並正在深深地呼吸著，發出誘人的喘息聲。

我並沒有多說話，而是把嘴唇再次靠近
但這次我並沒有親下去。

雪兔見我沒有親下去，明白了我的意圖，她偷鏈我大髀一下，並主動把嘴唇貼近。
二人都感受著對方，以吻訴說著對對方的愛。

雪兔在不久在我懷中睡著了，已我則看著天花板發呆....

「要是失敗了，便再也不能這樣呢...」
我在心中想著想著，默默流下了眼淚
我看著懷中的美人，很快便堅定了信念。

「為了我們的未來，只許成功！」
然後便攬著雪兔慢慢地安然入睡