「2070年的香港」《Vicarious》: 28

赤狐主線

「雪兔....雪兔....」
突然，有一個人拍打著我的臉部，使我從夢中驚醒過來。

「醒醒呀....醒啦喂....」
一位年青男子不斷拍著我臉部
他身穿著像極醫院病人的白色襯衣和長褲
，低頭一望我也被人換上了同樣的衣裝





「呢到係.....？」
頭部不斷傳來劇痛.....使得我要用手扶著額頭

「呢到係一個叫實驗室嘅地方嘅囚房...」

我回想起被「雷」電昏的記憶，看來我暈倒的期間被送了進來....

我嘗試站起來，但右腳的傷患令我吃痛跌倒....

那位年青男子馬上衝站過來扶住我





「小心呀....」

「我無事......」
我靠著牆壁坐了下來

「你都係俾人捉入嚟？」
我問眼前這位男子

「我係因為犯左事，俾人捉左入黎.....」





「犯事？」

「正確嚟講唔關我事....」
「我被人控告我襲警.....」

「襲警？」
我打量著眼前這位男子,眼前的他身高180左右，樣貌也挺標青，看似平常也有有鍛煉開身體。

「其實嗰陣時我只係唔小心輕輕推左嗰阿Sir一下,點知佢好似插水咁跌落地，然後就成班差佬衝埋嚟撳住我....」

「之後就俾人捉左入嚟？」

「係呀....」
「係呢，你又係咩事入嚟？」





「哈，我屠殺左成隊PTU，搞掂左半隊解放軍，隊冧左兩個特種兵咁啫....」

我輕描淡寫地說出這些話，並故意把生化人說成特種兵

「屌你咪吹水啦！」
他笑了笑，接著說
「你係咁勁就唔會俾人捉入嚟啦！」
他指著我捧腹大笑

看來真的是一個普通人，剛剛的說話就是為了刺探他的反應

「係呢，傾左咁耐都唔知大家點稱呼」
「我叫做曉日，以前係一個IT！興趣係做下Gym!」
他谷一谷身上的肌肉




「比啲掙扎！！」
然後便伸出了他的手

我愣了一愣
「Errr....我叫赤狐.....廢青一名...」
看到剛剛的情景，感到有點尷尬，但我也伸出了手和他握了一握

（曉日為讀者：息生 所創作的角色）