糖衣凶靈《深喉唾液殺人事件》18+: 第8章 - 病發

范文澤獨自一人回家，起初他以為自己服用止痛藥後意識出現副作用，然而身體不適的情況一直持續了整個晚上，而且異象每晚週而復始。雖然他的生理狀態每況愈下，而且喉嚨痛的症狀亦一直未有好轉，但仍堅持每晚外出尋找芳蹤，畢竟FIONA那嫵媚動人的身軀令他切實享受到一種興奮無比的經歷，一種被人稱為夜夜笙歌的終極體驗。

這晚，范文澤跟FIONA在灣仔一間時鐘酒店開房，這已經是雙方連續第六晚無休止式的纏綿。當二人玉帛相見後，正要進行前戲時，范忽然咳嗽大作，而且鼻涕直流，場面令他大為尷尬。看到這裡，女方斷然拒絕了范文澤提出交歡的要求。
「咦？妳係邊個？FIONA呢？」遭到女方拒絕後，范文澤突然如夢初醒。
「我起初懷疑你啪咗丸仔語無倫次，點知原來你有病至真！」一名從事職業伴遊的陌生女子面有難色地說。
「點解.......我都未見過妳，點解我會喺度同妳做？咁我之前究竟同咗咩人做？」對於自己現時的狀況，病入膏肓的范文澤有點摸不著頭腦。

離開時鐘酒店，范文澤獨自一人返家。對於自己的詭異經歷，他開始感到又驚又怕，頭部更出現劇痛。
「發生咩事？點解FIONA會突然間走樣？佢明明同緊我一齊.........唔通係同DAISY個賤人有關？冇理由，DAISY身中病毒，佢依家都應該自身難保.........咁究竟嚮依幾晚陪我嘅又係邊個？到底FIONA喺邊？」晚上回家後，范文澤感覺頭昏腦脹，腦海不斷思考一系列違反邏輯的問題，胡思亂想直至通宵達旦。





翌日清晨，范文澤欲打電話向同事探聽公司內有關楊迪詩的情況，怎料電話卻在此時響起，從來電顯示得知，對方是他上司林先生。
「JAVIS，我有個消息要同你講。」林先生說話時語氣凝重。
「咩事？」
「DAISY死咗。」
「Oh My God.......點解會咁？佢之前仲話下個月結婚........估唔到竟然會發生咁嘅事........到底點解？」范文澤一邊掩飾內心的興奮，一邊假裝吃驚詢問對方。
「DAISY係自殺死嘅。」
「吓.......自........自殺死，無理由........無理由會咁喎。」對於楊迪詩那出人意表的死因，范文澤突然感到大惑不解，開口答話竟一時語塞起來。