[騎劫][毒撚][少甜]點解我會變左做索女架????

口裡說不，身體卻很誠實。

由開始抗拒，到比佢"強行"攬住我，到我伏係佢巨大無比的胸肌前面，前前後後都唔夠一分鐘。

我感受到由獅兄散發出黎的溫度同氣味，每一次聞到呢陣味，就會感到有一絲絲的安全感，雖則獅兄面帶住招牌淫笑。

呢一刻，就好似成個世界咁靜晒，我聽到獅兄同我自己的心跳聲，時而急促，時而慢悠，交織著一小段一小段的樂曲。

我感受到身上最後的男子火種逐漸熄滅，取而代之的係女兒身的感覺……





每當我有危難的時候，總會有個大舊衰出現，幫我解決問題，無論何時何地；

每當我感到不快、失落、傷心的時候，總會第一時間想到呢一個大舊衰，不論何時何分；

每一晚寂寞地望住天花板，想像肥輝同阿康用盡毒舌之能咀咒我，我總會同大舊衰留低的獅弟傾訴心事，不分晝夜長短。

原來前面呢個調戲我，傷害我，激嬲我……的獅兄，己經在我心中的底部植下了根。








就係我陶醉緊的時候，竟然有人夠膽阻住晒，佢一斷咁拍我膊頭，越拍越大力，點知唔望由止可，一望就望著個光頭黃。

佢目定口呆咁企係班房門口，望住我地攬埋一舊咁，都唔知有乜反應。

肥輝仍然食緊佢食極都食唔完的花生，連阿康都回復正常，食埋一份。

我又望一望獅兄，佢的眼神變得有少少堅決，收起平時的笑容，變得嚴肅起黎。

佢一句[等我黎]，就輕輕力哄推開左我，然後行左去光頭黃方向。