為左有人陪，今年情人節我搵左個ptgf: 2

「仆街，遲到啦。」我一邊換返套琴日襯左好耐果套衫。

係恤衫長褲加件冷衫，顯得我幾斯文，配埋我果陣書卷味，仲唔襯返果條文青女！

話唔定行出街有女睇中我，到時就ptgf都唔洗搵，直接有女朋友啦！

就係我開心幻想嘅同時，佢用一個WhatsApp call拉返我入現實。

「喂，你遲到喎。」仆街，點解把聲咁好聽嘅！



「sorry我趕緊黎啦，你等我一陣。」

「遲到...冇得退錢架喎。」哇屌，食水咁深嘅。

「唔緊要唔緊要，你一定要等我呀！」

「嗯，拜拜。」

嗚...條女真係交足戲，講個電話都好似真係女朋友吹男朋友咁樣，除左佢話唔退錢果下，不過算啦，今次係我第一次比女仔吹我快啲，就暫時忘記佢是個ptgf。



我用最快速度去到旺角，我用打機時看敵人的眼力尋找著屬於我的ptgf。

「仆你個街，條女呢，唔係走左啊，咁咪變左呃我錢，我比左訂架喎。」

我左顧右盼，都找不到那WhatsApp 中icon入面果位文青女，唔通圖片同真人相差太多我認都認唔到？

叮！

你係咪著住灰色冷衫果個男仔？



係佢！係佢搵我呀！佢冇走到呀！

係啊 你係邊到？我見你唔到

我係你後面 帶住畫家帽

我看過後馬上轉身，終於找到帶畫家帽的女生。

「就係你？」仆你個街，同張相兩個人黎嘅！仲要...仲要係樣衰咁多！

「你邊位呀？」不料那女的竟然反問我。

「吓，你唔係ptgf咩？」

「你痴撚線架！無端端話我...話我係啲咩Ptgf！」她激動得想一巴掌打在我臉上。



當我想舉手招架時，卻感到手臂被段輕柔的力拉住，整個人往後退，剛好避過那女生的一巴掌。

「Sorry啊，佢係我男朋友，佢同我猜輸左要整古人咋，佢無心架。」一把溫柔的聲線在我身邊傳出。

我側頭去看，咦！又係畫家帽？

「走左先啦我地。」她又對我說，我還未回應就被她拉走，只剩那女生氣得在原地跺腳。

「你頭先認錯人啦，我先係約左你果個啊。」怎樣她連責備人的語氣也這麼溫柔。

她抬頭望住我。

我頭一次因為別人的容貌而喘不過氣，就像忘記了人是需要呼吸，是的，她真的與圖片不符，美得讓我不信。



要是圖片能呈現她真人的樣貌，恐怕我連約她出來也沒有膽量，那怕我知道她是個ptgf。

「你...你...真係約左我果個？」我口齒不清地問。

「係啊。」她一皺眉頭，好像不懂我為何這樣問。

嗚...怎麼皺眉也能這麼可愛。

「無...無野，我地做啲咩好？」我平復一下激動的心情。

「你等陣先...搵到啦！」她係手機到唔知搵啲咩。

「嗱！」她將手機的備忘錄打開給我看，裡面列滿情侶間會做的事...然後後面加上一個價錢。

「Sorry啊，因為我第一次，所以唔係好記得啲價錢。」她好像還有點不好意思。



「啊！都未知你叫咩名添？」她又突然間問我。

「叫我阿玉得啦。」

「好奇怪啊，好小少男仔叫阿玉架喎。」

「係啊。」

「喔，唔記得講，我叫阿寶。」她說完後還加上個甜笑。

我就黎唔得啦，依條女好撚正呀！我好想佢真係我女朋友呀！好彩，好彩至少今日佢係我暫時嘅女朋友。

「咁...阿玉，我地行住先啦。」



「嗯。」

女朋友的感覺就是這樣嗎...