為了實現媽媽遺願，我成為了女校男生: 五年後的再遇

拎出筆袋，再一次見到掛係上邊嘅羊駝公仔，就不自覺諗返起當年放學係一個小公園俾個男同學錫左下咀果一幕
 
「起立!」「Good morning Miss Wong」
 
「(好彩係呢個後生Miss做班主任咋，如果係恐怖雞就死)」
 
「(恐怖雞係訓導主任，點會做班主任?不過Miss Wong總好過d老姑婆嘅)」
 
突然之間，我嘅笑容隨住Miss Wong帶俾大家震撼嘅消息而消失
 




一個好高嘅男仔行左入黎班房，果一刻已經有幾個同學眼中閃閃發光
 
但我永遠唔會忘記佢
 
「程逸風」
 
一個我5年冇聽過嘅名，當佢行過我身邊時，我懷疑緊佢仲記唔記得我
 
佢點樣係公園仔捉住我雙手，再將佢個咀同我個咀緊緊貼實差唔多一分鐘
 




自從果日之後，我就再冇見過佢，亦係果日之後，我個心就再容唔下其他男仔