「我記得啦!!! 我記得啦!!! 我記得啦!!!」
 
始終紙係包唔住火,估唔到個妹記得返哂所有野
 
包括我同佢係公園嘅事
 
同埋我個花名
 
“微波爐”
 


因為我係小學時個胸係接近平,所以一班男仔就幫我改左個咁嘅花名
 
Ivana果一下就意識到我同阿風之間嘅事,佢細細聲係我耳邊問
 
「佢…就係佢?」
 
我下意識咁點左下頭之後,佢就忍唔住指住我地兩個大笑
 
「妳地兩個真係天生一對呀!!咁都可以撞得返!!不如快手落婚姻登記處結婚啦!!」
 


佢終於記得我,但係如果話我唔嬲就係呃人
 
我走埋去佢面前,想伸手打佢兩把,但舉起手又唔捨得打落去,所以我改為踢佢小腿
 
「死變態佬!! 死變態佬!! 死變態佬!!」
 
「微~~波~~爐~~」佢邊講邊掃自己個胸,暗示我當年係平胸、長平公主
 
「死色狼!!咸濕佬!!人渣!!」
 


Ivana呢個時間拉開我
 
「你記唔記得呢…你小學last day果日….」
 
「喂喂喂!!!」
 
「我記得呀,阿妹啱啱提左我啦」
 
「呀!!!!唔該你忘記左佢啦!!!」
 
「好難忘記架喎」
 
「你......你……我夠記得你小五時……爆太,露出Snoopy底褲囉!!!」
 
「妳做咩咁記得我條底褲?妳想要?」


 
此時全班已經笑到震哂,我地就好似做緊楝篤笑咁樣