為了實現媽媽遺願，我成為了女校男生: 如何補救?

原來當年…我做左D咁嘅野出黎
 
係放學後嘅小食店，我係到諗點樣補救件事
 
「家姐妳就唔啱啦，整爛人地隻錶」
 
Ivana表示同意
 
「咁妳想點補償返俾人呀?」
 




「咪…買過隻俾佢囉…」
 
「但係…果隻錶對佢黎講應該係無價寶黎架喎，始終係佢爸爸送俾佢」
 
「係囉…佢爸爸..」
 
「佢爸爸係我地小四果陣過左身，佢媽媽幾年前都過左身」
 
「咁姐夫而家咪自己一個生活囉?」
 




「佢仲有個家姐同佢一齊生活，未至於孤身一人」
 
「原來妳仲有個大姑拉」
 
「做咩講到我好似…真係同佢拍拖咁呀?」
 
「反正妳都賠唔返隻錶俾人，妳咪以身相許囉」
 
「痴…痴線啦!!無啦啦因為咁就要嫁佢?妳地又知佢冇女朋友?」
 




「唔怕啦，家姐妳都同佢咁樣過囉」
 
雪晴邊講邊做嘟咀動作
 
「雪晴，現場睇有咩感覺呀?」
 
「兩個都好怕羞，家姐俾人錫完之後又怕羞又開心」
 
「好羨慕呢……」
 
「有咩好羨慕?無啦啦俾個變態佬拎走左個初吻」
 
「唔係呀，家姐妳果陣好開心架」
 
「冇!!」




 
「有!!明明係有!!妳仲開心到請我食雪糕!!」
 
「冇!!妳記錯!!!」
 
「有呀!!」