為了實現媽媽遺願，我成為了女校男生: 愛情專家?

夜晚溫完書，雪晴攬住隻公仔入我房坐係我張床上邊，佢好似好緊張咁
 
「家姐妳係咪對人有意思呀?」
 
「點解妳咁八呢?莫非妳自己對人有意思?」
 
「我呢D小妹妹佢就睇唔上眼架啦，不~過~呢~」
 
「不過咩?」
 




「唔代表其他同學唔會越級挑戰」
 
「真係架?」我以極速咁轉身望住個妹
 
「妳睇下妳幾緊張，咁女校入邊無啦啦有個男仔係到讀，仲要咁高大，點會冇女仔心動呀?」
 
「咁妳又講得冇錯嘅」
 
「不過家姐妳有優勢喎」
 




「有咩優勢呀?」
 
「妳係佢小學同學，而家又同班又係男女班長，最重要呢…」
 
「係咩呀?」
 
「妳同佢都咀咀過囉」雪晴又係邊嘟咀邊講
 
「關…關妳咩事喎，我鍾唔鍾意佢都唔關妳事呀?」
 




「我有機會做姨仔喎，點會唔關我事」
 
「痴…痴線架妳，講到我就快嫁佢咁」
 
「我好心提提妳者」
 
「妳呀!唔好係屋企咁大聲講呢D野呀，一陣俾ba b mammy知道死啦」
 
「車，唔通要一世做老姑婆咩，咁家姐妳係咪鍾意人姐?」
 
「點知人地有冇女朋友喎」
 
「等我幫幫妳啦~等我幫幫妳啦~」
 
「做咩搞到自己好似做愛情專家咁呀?」




 
「我係呀」