為了實現媽媽遺願，我成為了女校男生: 查探歷史

我同Ivana玩緊之時，我電話忽然響起
 
「喂，家姐?」
 
「有冇講我壞話呀?」
 
「冇…冇呀…」
 
「你望下窗邊~」
 




窗邊外，家姐著住制服企係到，仲有佢男朋友，佢地一齊同我揮手
 
「好多女仔喎」
 
「邊有呀」
 
「你身邊都有三個啦」
 
「家姐妳今日唔係飛咩?」
 




「我飛之前黎睇一睇你之嘛，乖乖地上堂聽書知嘛」
 
「知道」
 
「仲有!!」
 
「係!!」我背後開始有冷汗出
 
「唔好話我係飛雞呀……」
 




「知…知道…」家姐嘅殺氣由街湧到我班房…
 
「姐夫呀，我地成班、唔係，應該係全校女仔有個問題想問你好耐架啦」
 
「仲有咩想問呀?」
 
「你有冇拍過拖呀?」
 
「呀…妳家姐算唔算呀?」
 
「你地只係啜啜過之嘛，當年家姐都冇應承你，雖然佢好想，咁你有冇女朋友呀?」
 
Jessie立即擰埋一邊，面紅紅咁偷望我，好似好緊張咁等答案
 
「我………未拍過拖」