雪晴坐係我書檯前用電腦不停問阿風野,而我就係床上睇小說,但隻眼不時望住佢地對話內容
 
「拿…家姐,都話佢對妳有意思架啦」
 
「佢都冇講」
 
「佢都話小學果時係鍾意妳囉」
 
「小學之嘛,都過左咁多年」
 


「但係有人過左咁多年都仲鍾意人呢」
 
「妳…妳咪亂講啦」
 
雪晴將我同阿風張合照拎到我面前
 
「唔鍾意人嘅話又放妳地張合照係到?」
 
「喂呀!咪搞啦!」
 


「家姐妳十月芥菜,好多人都知啦」
 
「好多人?邊有呀」
 
「起碼妳全班都知呀」
 
「下?全班?妳邊到聽到架? 」
 
「廁所囉!女校嘅廁所係情報站黎架嘛」
 


「咁…咁又點喎」
 
「妳果班呢,就全部知妳地兩個小學三年級開始識,點都唔會有人想搶姐夫架啦,但係文科班同其他班級就未必咁諗啦」
 
「有人想….咩佢咩?」
 
「家姐呀!一間女校突然有個成6呎高嘅男仔黎左讀書呀,係人都會想接近佢架啦」
 
「咁…人地想追佢咪由佢囉」
 
「妳想眼白白睇住佢俾人搶走呀?」
 
「唔係…」
 
突然間,媽媽打開我間房門