「喂!你星期六仲係自己食外賣呀?好心你就煮下飯啦」又係家姐煩我嘅時間
 
「煮又要買野,又要用時間整同煮,食完又要洗碗,麻X煩!」
 
「但你一世食外賣咩」
 
「妳煮囉」
 
「點解要煮俾你?」
 


「我係妳細佬喎」
 
「我係你家姐喎」
 
「我係學生喎」
 
「我夠係空姐囉」
 
「飛雞」
 


「毒撚」
 
「今個星期我唔得閒呀,妳自己食啦」
 
「我飛首爾喎,冇打算理你」
 
「妳會理我架咩?」
 
「點呀?聖誕節想唔想自己行開下呀?」
 


「妳買機票俾我?」
 
「有咩所謂呢?」
 
「咁…去大阪囉」
 
「冇問題,不過星期六你去邊呀?」
 
「呀……約左微波爐囉」
 
「細佬~人地邊到微波呀,佢著起校服冇咩野睇姐,一除衫嘅話……」
 
「點解一定要用除衫呢個字眼呢?」
 
「你估你唔想睇!拿!星期六我唔係到,記住戴套呀」


 「妳好煩呀飛雞!!!」