「上呀6B!!!跑快D呀!!」
 
麻甩系嘅Ivana不停為參賽嘅同學打氣,而我就坐係位到發吽豆,悶悶地自己一個係到織頸巾。而阿風佢就好似一陣風咁消失得無影無蹤
 
其實諗深一層都明嘅,女校搞運動會,係外人眼中,一大班女仔係好斯文…實際上…我地仲粗魯過男仔,挈大雙腳、楝高隻腳黎坐、唔著P褲又有,所以陸運會嘅看台上唔見阿風身影係正常嘅。而且比賽嘅同學又係著體育服,所以佢應該係避諱一下
 
「喂,老公唔係身邊就冇心機呀?」
 
「邊係喎」我又係例牌鼓起泡腮
 


「妳呀,究竟同佢點架?開始未?」
 
「邊得黎開始者,暫時仲係朋友階段」
 
「喂…妳唔怕佢俾人搶走架?」
 
「都冇得怕架啦」我繼續埋首織頸巾
 
「Jessie姐姐」,把聲好溫柔,好好聽,擁有咁甜嘅聲音的主人,一定係一個靚女
 


果然,我一抬起頭就有一個同我一樣扎雙麻花辮,矮過我嘅女仔企係到,學校套長衫顯出佢正在發育嘅少女身材
 
「妳搵我?」
 
「唔係呀,我搵風哥哥架,不過唔見佢,所以我黎問妳佢係邊」佢邊微笑邊講
 
「妳叫佢…風哥哥?」
 
「嗯,我細細個就識佢架啦,唔…應該係話我出世果一日已經識佢,我細個成日都話要做佢新娘子添」
 


係我地學校細細個就識阿風,可能比我更早識佢。全校之中只有一個人可以同阿風有咁嘅關係,一個我兩年前幫過佢嘅同學,Miss孔嘅掌上明珠,心肝寶貝、恐怖雞嘅獨生女,恐怖雞2.0或者係小恐怖雞,F.3E 張詩敏,Jasmine