為了實現媽媽遺願，我成為了女校男生: 我餵你

我同詩敏兩個人坐係餐廳一角嘅窗邊，由於陸運會關係，我地有好多同學都黎左同一間餐廳食飯，當中包括我果班同學，而大部份同學，都好似好八掛咁望住我同詩敏
 
「哥哥你做咩好似周身唔聚財咁嘅?」
 
「總係覺得背後好似有人好怨恨咁望住我，同埋俾好多同學望實，好唔習慣」
 
「你仲未習慣女校生活咩?我見你上堂小息都好開心呀」詩敏碌大佢隻眼望住我
 
「咁平時雪凝會係我身邊陪住我嘛」
 




「咁即係我冇佢咁靚，冇靚女陪住你，你唔開心啦」詩敏嘟起個咀講
 
「我唔係咁嘅意思」
 
「咁你老老實實回答我問題啦」
 
「妳問啦」
 
「你係咪鍾意…佢呀?」
 




「佢?邊個佢呀?」
 
「打開口!呀!!」詩敏用佢隻叉叉舊青椒餵俾我食，但當我食完之後就發現我地兩個已經俾現場所有長衫妹望住
 
「佢呢…而家就坐係你右邊斜後方望實你，而佢身邊呢，就有一班你嘅同班同學係到，個個都拎住把刀想衝過黎斬你咁款」
 
唔需要我回望，我已經知道邊個望實我，我係鏡中見到雪凝個樣，係極度唔開心
 
「點者?係咪鍾意雪凝姐姐者?」
 




「可以話係嘅…」對住詩敏我真係講唔出大話
 
「你成碌木坐係到追唔到人地架喎」
 
「咁唔通光明正大咁係學校追佢咩?」
 
「拿，咪話做妹妹嘅唔教你啦，星期四你地班旅行日去bbq，你要識做呢」
 
「做d咩呀?」
 
「叫你照顧下姐姐，俾d風度出黎呀程生，你連追女仔都要人教呀?」
 
「得啦得啦…」