為了實現媽媽遺願，我成為了女校男生: 重提花名

女校男生，同一大班女仔去旅行bbq，做男仔要負責咩?
 
當然係起爐啦，唔通負責食咩，你估班大小姐會幫手起爐咩
 
炭塔，放白色炭精，點火(唔好用報紙)，封塔頂，吹呀吹，讓這風吹。好快就幫一班同學起好一個爐
 
「阿風呀!麻煩幫幫我地丫」
 
「係!!」
 




「Anthony!!麻煩呢邊丫」
 
「好!等陣!!」
 
「姐夫呀!!!我地班F.2小妹妹唔識起爐呀!!」
 
「好快!!」
 
我自己一個人起左差唔多10個爐，結果返到埋自己果個爐時已經虛脫
 




「嘩!!你真犀利!!起咁多個爐」果時Ivana已經食緊雞翼
 
雪凝遞枝水過黎，然後用毛巾幫我抹汗
 
「你飲下水啦，全身大汗，小心一陣攝親呀」
 
「我邊得黎咁易攝親呀?」
 
「係邊個小學上完PE堂係課室話太熱除哂衫涼冷氣，之後下晝就請左病假走呀?仲俾家姐狂鬧」
 




「妳唔講出黎冇人話妳啞架豪華臀」
 
「豪華臀?Jessie妳花名唔係微波爐咩?」Ivana真係一個非常八嘅女人
 
「佢呢，就有好多花名嘅」
 
「除左微波爐呢?」
 
「啟德、長平、波板糖、乒乓波」
 
好多同學一聽到就知咩事，個個都笑到流眼水，而雪凝就不停打我手臂
 
「咁你有冇份改呀?」
 
「當然有啦!!」




 
「喂!!咪講佢地知啦」之後一班同學捉住雪凝唔俾佢反抗
 
「我唔講啦，一陣佢又嬲又要我氹佢就麻煩」
 
「好閃呀你地兩個!!!」
 
「唔…唔理你啦!!你d野食係到呀!!」講完，雪凝就行開左
 
「去邊呀?」
 
「去個妹到呀!」