為了實現媽媽遺願，我成為了女校男生: 被發現了

「姐夫!!到你啦姐夫!!呀!!!」
 
雪凝媽媽一手將排板拍去雪晴個頭到「咪亂講野呀衰妹!!」
 
「家姐都認左啦，唔怕啦!!呀!!」今次到雪凝搵本雜誌拍落個妹頭上
 
「風仔，見邊到唔舒服呀?」雪凝爸爸邊講邊望住我隻左腳膝頭
 
「林醫生，都係全身骨痛、頭痛之類，有鼻水、頭重重咁樣」
 




「俾我聽聽個肺先」果時我個肺係到唱歌中
 
「冇咩問題，打枝針比較好，今晚食清淡D，頭先係咪燒野食?」
 
「係呀…」
 
「除褲，打針」
 
「呀…醫生…雪凝係到喎…」
 




「家姐妳擰轉面先」
 
「知道」
 
十秒後「搞掂」
 
雪凝爸爸打針手勢好好，唔太痛，然後佢係我排版到寫字，再打野入電腦，好認真咁問
 
「爸爸同媽媽因為咩病而過身?」
 




「下…」
 
「身為你醫生，我必須要知」
 
我嘆左口氣「爸爸係急性白血病…媽媽係腦腫瘤」
 
「同家姐驗左身未?」
 
「驗左，冇遺傳問題」
 
「而家呢條問題你要好老實問我，家姐妳係到做證明」
 
「知道」
 
「知道」我都知紙係包唔住火




 
「你每次左膝止痛要食幾多止痛藥?」