如果冇雪晴係身邊嘅日子,我地兩個會選擇搭電車返屋企,自從我確認自己仲係好鍾意佢果時,搭電車同埋提早落車已經成為我地兩個人嘅習慣,我袋住佢隻錶,諗緊幾時俾佢
 
落車後,如果時間仲早,而附近唔多我地D同學嘅話,有時佢會偷偷咁捉住我隻手行,雖然唔係十指緊扣,但我都覺得好開心。我同佢都好鍾意係海邊散步,我地大家都好鍾意聽海浪聲(打風除外)
 
「喂…俾你隻左手我丫」我決定係我地最鍾意嘅地方幫佢戴起隻錶
 
當佢見返隻錶時,我終於第一次見佢流眼淚,唔知佢係開心定懷念爸爸,佢將隻錶放係耳邊慢慢聽
 
「隻錶,ba b話幫你抹左油,不過錶帶太殘,所以換左,但舊錶帶仲係到…隻錶…我幫你整返好…希望你…」
 


「鍾意」呢兩個字仲未講出口,佢已經捉實我,拉我埋佢到,我地兩個咀係5年半後再一次痴埋一齊,佢係我毫無準備之下錫左落黎,突然間我心跳上昇得好快,開始覺得好熱,今日得果17度,就算我冇著冷衫,我都覺好熱,心跳愈來愈快,有D窒息感覺,於是拎起手拍佢心口,夠啦,要暫停一陣,本小姐就快窒息啦。
 
「唔…唔…唔…」