「其實…你想我點叫你呀?」我好怕羞咁對阿風講
 
「妳鍾意點叫都冇所謂架,但我知妳想我叫妳做bb豬,一定係」
 
「喂呀…你笑我嘅…」我地兩個已經十指緊扣咁樣Q住手行
 
「妳屋企,會唔會反對架?雖然林醫生上次開口話冇問題…」
 
「我ba b話冇問題就一定冇問題,媽咪都批准左,剩低係阿妹一個唔知俾唔俾」
 


「佢點會唔俾呀?」
 
「始終,有人搶走左個家姐喎」
 
「佢唔係預左啦咩?」
 
「都係嘅」
 
「咁妳想唔想係學校公開出黎?」
 


「唔想,因為我唔想你俾人話」
 
「其實妳…係咪第一眼已經認得我?第一日返學妳見到我時妳呆左」
 
「咁你小學拎走我初吻…好難唔記得你啦,不過你就衰啦,要阿妹提你先記得我,要罰你呀」
 
「咁快要罰啦?」
 
「罰你每晚都唱歌氹我瞓覺,要錫哂我,以後叫我bb豬或者傻妹」
 


「好啦!聽哂妳話」
 
「仲有!」
 
「仲要罰?」
 
「唔准掛住拍拖唔讀書架你,女校男生,你點都要贏我地全班29個人,但係我唔會留手讓你架」
 
「傻妹,我有家姐D朋友做後盾,點會輸俾妳呀」
 
「你奸茅!!」
 
係我同阿風拖手返去之後,我地背後出現左一部錄影緊嘅電話