為了實現媽媽遺願，我成為了女校男生: Talent show!開始!

中期試過後，又係呢間學校每年大家最Happy嘅talent show，聽雪凝講每一年所有班級都會好落力咁表演，唱歌、魔術、畫劇等等…而”你問我答”呢個環節，係大家投票選出一位同學或者教職員上台同大家清談(9up)嘅環節，係每年夾雜著笑料同尷尬嘅環節，曾經有阿sir係呢個環節同Miss求婚，而我今年身為女校男生，我九成九會俾人邀請上台傾下計，結果，一如大家所願，我以100%票數為今年”你問我答”嘅嘉賓，如果當日放飛機請病假的話，係要請全校飲野
 
我已經預左有咩問題，[點解會入黎女校到讀書]、 [咁多女仔慣唔慣]、[有冇女朋友]、[有冇睇中我地d同學]之類…
 
所以我都準備好標準答案同Powerpoint俾大家睇，務求將大家一齊拉落水
 
係咪好賤呢?
 
雪凝佢一直擔心咁玩法會唔會出事，不過我話唔會，仲會令大家喊哂添
 




終於到左當日……雪凝係我地6B班嘅代表，因為佢唱歌係非常好聽
===============================================/
「各位同學，有請6B班代表，我地學校公認嘅冰山美人，唱歌非常好聽嘅林雪凝同學」
 
「大家好，我係6B班Jessie」
 
「妳好呀Jessie，每年妳呢，唱歌都令到大家好開心喎，因為妳唱歌真係好好聽」
 
「都係大家賞面者，我唱歌其實唔太好聽」
 




「拿拿拿…睇返妳舊年呢，係Joint school sing con果時，以一首”玻璃鞋”冧死左好多友校男仔喎」
 
「邊…邊到有呀?」
 
「今年妳點解會係學校talent show揀呢首歌呢?唔似妳性格喎，咁多年黎妳第一次係台上唱呢d歌喎，妳以前好鍾意唱呢…”閃著淚光的決定同懷著笑意的決定”架喎」
 
「咁…都要轉下歌架嘛」
 
「我明嘅…我明嘅…阿妹講左俾我知架啦」
 




「家姐!!!唔好怕羞啦!!!」
 
「呢首歌呢…應該係妳小學時候，應該好細好細個嘅歌黎架喎」
 
「咁我仲有小學時嘅記憶架嘛」
 
「真係?因為某個小學同學?」
 
「唔……」
 
「雪凝姐姐!!!唔好怕羞啦!!!」Jasmine同雪晴兩個就係要我係台上尷尬先開心
 
「唔玩妳啦，反正妳一陣塊面都會紅哂，有請我地學校嘅冰山美人6B班林雪凝，送俾大家嘅『有誰像你愛我』!!」
 
呢首歌正正係我係小學6年級小學歌唱比賽唱嘅歌




 
「讓最深　愛一次　只一次
情人的心思　都不需言詞　來告知
被愛中　有天意　有恩賜
平凡一雙肩　當於心煩時
能靠依　與心意　變一致

有誰像你愛我對待我那麼真摯
浪漫自由如愛的賞賜
能讓我　間中放肆
也不減愛意

有誰像你愛我抱著我醉心不放
未懼別人前吻得火燙
情陷與怯羞對抗




更深愛　這狀況

讓最深　醉一趟　到千趟
柔情不兜圈　不需捉迷藏　熱滿腔
自那天　你偷看　到相看
從來都心安　不修飾埋藏
全意將　愛釋放　到奔放」
 
呢d歌詞正正係我同阿風之間嘅關係