為了實現媽媽遺願，我成為了女校男生: 你問我答(1)

唔知係咪因為我一個男仔係台上同Joanne 打斜咁坐，佢坐得好拘謹
 
「唔洗咁拘謹喎，妳好似平時上堂咁坐我唔會介意，妳睇下台下D妹妹姐姐都係咁坐啦」
 
Joanne俾我咁講一講之後面都紅哂
 
「我地返黎正題先，咁Anthony你係我地學校近20幾年第一位男生啦，咁可唔可以分享下係女校同你以前係男女校嘅趣事呢?」
 
「其實趣事就冇乜嘅，只係第一日我等入課室果陣俾一大堆孖辮妹用好奇怪嘅眼光望住咁者」
 




「咁女校俾你嘅感覺係點呢?即係之前你會想像過有咩等緊你呢?」
 
「咁我都知道女校一般都比較玩得痴線D嘅，唔通妳地會係小息同食lunch果陣玩刺繡呀，撲蝶咩?」
 
我咁樣講令到好多同學拍哂手掌，Joanne都忍唔住不停笑
 
「其實我地都會織下野嘅，唔好咁睇我地班女仔」
 
「係囉，季節限定囉，妳唔會夏天係到織頸巾架嘛，仲有睇下妳織俾邊個者，拿，我認得邊D有織頸巾架，唔好話織俾阿哥細佬果D呀，咁耐以黎我家姐乜都冇織過俾我架，只係織俾佢男朋友咋」
 




「咁你以前係男女校有咩玩架?」
 
「妳想知最痴線玩咩呀?」
 
「當然啦」
 
「夾手夾腳除左個男同學條校褲同底褲再推佢出班房囉」
 
「下?除哂?」Joanne聽到除哂果下眼都突哂出黎
 




「都有塊羽毛球拍俾佢打下格仔嘅」
 
「你地d男仔好變態喎」
 
「唔係呀，係班女仔除人褲呀」
 
此話一出，全場大叫
 
「咁仲有咩好笑野呀?」
 
「呀…有個男同學生日，班女仔買左條超人底褲俾佢，迫佢全日著係校褲外邊上堂、食Lunch囉，算唔算呀?」
 
Joanne果陣已經笑到想換人接力