為了實現媽媽遺願，我成為了女校男生: 家姐的回憶(3)

「感謝各位乘坐魚翅航空，希望好快可以再為大家服務」
 
「Selina」
 
「係!」
 
「頭一兩次飛，表現唔錯丫，仲好勤力添」
 
「多謝哂妳嘅指導」
 




「我地唔好落機住，我地班機嘅副機長代表我地全機送野俾妳，恭喜妳飛第一次來回」
 
「唔洗咁大禮啦，大家都攰啦」此時我仲係到搵緊佢
 
「Selina?妳搵緊人?」
 
「呀…係呀，我男朋友話會搭呢班機，但我成程機都唔見佢，我擔心佢係台北有事」眼淚開始慢慢流出黎
 
「冇事嘅傻妹，佢叫咩名?我幫妳睇下乘客名單」
 




「佢叫Danny Fong，方禮言」
 
阿姐聽到之後佢呆左一呆「妳講真?佢真係妳男朋友?」
 
「嗯…佢係我地同事黎」
 
阿姐呢個時候微笑，應該係偷笑「傻女，妳轉身先啦，副機長就出黎架啦」
 
就係我轉身，全體同事恭喜我之時，佢地拎左個蛋糕出黎，係同尋晚個公仔一模一樣，我見到時都尖叫左下
 




「呀!!!個公仔…」
 
「係副機長畫架，不過佢第一次畫，所以好核突」
 
「個公仔…我尋晚見過…」
 
係我背後，有一把聲音出現
 
「Selina Ching， 程逸怡，歡迎正式加入我地公司」
 
我轉身一望，佢膊頭上係兩槓加一幼邊
 
「我係Danny Fong，方禮言。係呢班機嘅副機長，亦係妳嘅男朋友。」
=================================================/
「danny哥哥你好浪漫呀，我FF到果個畫面係點啦」雪晴真係好開心




 
「我就咁樣俾佢呃左囉，又唔一早坦白，等我擔心左咁耐」
 
「好過某D人丫，一D都唔識浪漫，就咁錫落黎迫人應承佢」
 
「其實佢地兩個本質都係一樣者」
 
「姐夫呀!你果陣應該學下danny哥哥啦」
 
「姐夫!飲!!!」
 
「好!!飲!!」
 
「你地飲汽水就唔好咁大聲講啦!」