為了實現媽媽遺願，我成為了女校男生: 日本之旅（10）

我地係忠海站一落車，雪凝雪晴兩姊妹就非常開心，因為佢地第一次去到日本小鎮到觀光
 
「呢到d人真係唔識英文架，妳地跟實我，我可能都講唔掂架」
 
我地係精品店到買來回船飛後，就登船向兔仔島出發
 
一落船，雪凝已經好開心係到叫
 
「好得意呀!!!」可能d兔仔係公嘅關係，雪凝未行到埋去時已經俾好多兔仔圍住
 




「家姐家姐，睇下呢隻丫」
 
「喂喂，食左野先，食飽有氣有力再玩兔仔」
 
佢地兩個真係好乖聽我說話，食飽哂，先去餵兔仔
 
「嗯…佢地點解會係個島上生活嘅?」
 
「佢地呀?以前皇軍用兔仔做實驗，戰敗之後軍隊撤走，放哂所有兔仔，結果佢地愈生愈多，結果成個島都變左兔仔，我地頭先落車個忠海鎮都係因為兔仔島而發展旅遊業」
 




「姐夫，點解你識咁多野嘅?」
 
「我平日睇書睇得多，學多d野者」
 
「我想抱下佢地呀…好得意」
 
「唔好啦，餵下佢地算啦，始終係野生動物」
 
「喂，你睇下呢隻，好似係到鬧緊其他咁喎」
 




「似唔似契媽呀?」
 
「嘩!姐夫你咁話恐怖雞嘅?」
 
「係妳地驚佢之嘛，我一d都唔驚佢」
 
「係喎，姐夫將來你娶家姐果陣，張帖上咪印恐怖雞個名囉」
 
「呀…可能我地唔擺酒呢」
 
「唔擺酒又少左d氣氛喎」
 
「我地放長雙眼睇下家姐點先啦」
 
「下?danny哥哥要求婚啦?」




 
「咁又未，家姐話過要睇住我大學畢業先會嫁」
 
成個下晝，我地係兔仔島玩得好開心，之後再落左去廣島買野同食晚飯。搭新幹線返去果陣，雪晴攰到瞓左
 
「喂，你安排行程都幾好喎，阿妹非常滿意」
 
「如果去下灘佢就唔滿意啦，咁遠」
 
「你唔明白點解佢咁講呀?」
 
「唔明呀，點解呀?」
 
「佢俾機會我地兩個係日本獨處囉」
 




「呀…估唔到佢又幾醒喎」
 
「佢好為我著想架，我之前仲以為個傻妹鍾意你架」
 
「佢同我都幾襯嘅」
 
「咩話!」
 
「係…當我冇講過」
 
「原來阿妹有男仔追緊」
 
「下??邊個咁大膽!!」
 
「佢同班小學同學仲有聯絡，有一個男仔同你鍾意我一樣，由小學開始鍾意阿妹，難得阿妹又對佢有好感」




 
「但係阿妹 F.2，醫生未必俾佢拍拖喎」
 
「咁所以呢…ba b就想搵我地同阿妹傾下啦」
 
「傾咩呀?」
 
「如果個男仔係真心對阿妹呢，就一定會等佢嘅」
 
「好似妳對我咁呀?」
 
「係呀~~最好係你啦」
 
「咁今晚…妳瞓邊?」
 




「你想我陪你咩?」
 
「咁…係男仔都想同自己老婆一齊瞓架啦」
 
「唔…你想要咋?」
 
「妳又話幫我生BB嘅?」
 
「二人世界唔好咩?」
 
「都好呀」