為了實現媽媽遺願，我成為了女校男生: 詩敏的回憶(9)

「Jessie!!過黎」
 
「係!!」
 
「我個女所犯嘅事，係學生之中我希望只有妳一個知道，我唔想佢俾男仔摸均全身嘅事俾任何學生知，有冇問題??」
 
「係…我知道…」
 
「詩敏過黎」
 




媽咪攬住我
 
「對唔住呀媽咪……」
 
「媽咪唔想妳俾人呃左去，我得妳呢粒女，媽咪先咁緊張妳，做女仔唔可以咁隨便架知嘛」
 
「我知錯啦媽咪…我以後唔敢啦…」
 
媽咪再揚一揚手，叫左家姐入黎
 




「同家姐道歉，妳係佢個hall到打搞左成個月」
 
「對唔住呀家姐…….」我仍然不停喊緊
 
「傻女，妳幫我執到間房咁乾淨，家姐開心到死添啦，妳隨時都可以返黎玩架，我d同學好鍾意妳」
 
「逸怡妳就執下間房啦」
 
「知…知道…」
 




「細佬呢?」媽咪而家先問起哥哥
 
「返左hall，學校舍監將佢收埋左，呢兩日外邊有軍裝同便裝不停搵緊佢，黃警司而家打緊電話補救緊，問題應該唔大，呢區係佢同期睇」
 
「妳睇下，妳今次累到哥哥啦，佢為左妳連乜野都唔驚呀!!妳知錯未呀?」
 
「我知錯啦媽咪……」
 
「姐姐帶妳返屋企先，今晚我先再慢慢教訓妳，Jessie，妳地可以放學」
 
「知道…Jasmine，妳要乖乖地啦，妳有哥哥同姐姐咁錫妳」
 
「知道Jessie姐姐」
 
正當雪凝姐姐轉身走果時，我叫停左佢




 
「Jessie姐姐!!」
 
「係!!咩事?」
 
「我…我唔會輸俾妳…」
 
「唔?發生咩事?」
 
「遲d過幾年…我好大機會…會同妳爭一樣野… …雖然我知妳一定會贏我…但我唔會認輸架!!」
 
Jessie姐姐對我微笑左一下「咁我等妳向我挑戰啦」
 
Jessie姐姐走左之後，媽咪同家姐先問我
 




「做咩呀詩敏?妳同Jessie有牙齒印?」
 
「媽咪…家姐…哥哥小學到而家鍾意果個女仔就係佢…我地學校嘅優等模範生，F.4D 林雪凝，Jessie Lam，佢係哥哥小四至小六嘅同班同學」
 
「原來就係佢…林雪凝，同我寶貝女爭男朋友嘅人，媽咪就係呢幾年睇下，佢點解吸引到妳阿哥」
 
所有同學走果陣，冇一個人敢出一粒聲，恐怖雞到今日再進化左一級
 
而我，小恐怖雞就係今日正式曝光，話俾人知，媽咪係唔會理妳係咩人，只要係學校犯錯，下場都會係一樣