「搵你咩事?你唔會唔知掛」
 
「我….真係…」
 
「你而家當我妹妹係乜野?玩具?你自己有女朋友點解仲要追我個妹!」
 
我真係好嬲好嬲
 
「呢層…」
 


「你仲想呃埋我個妹最寶貴果樣野……我所有事都好清楚!!」
 
果陣時,佢身邊嘅女仔已經俾阿風舊同學拉開左
 
「你而家想點?究竟你係咪鍾意雪晴!!」
 
「係!!!我係架!!」
 
「係嘅話點解同其他女仔咁親密呀!你根本只係想…只係想…佔有我妹妹!!!」
 


「唔係架…我…」
 
呢個時候,雪晴係我身邊出現,佢對眼話我知,佢已經對呢個男仔死心
 
「雪晴呀…」
 
「唔好咁叫我,我同你咩關係都冇」
 
「但係……」
 


「啪!!賤格!!」雪晴起右手大力摑落個男仔左邊塊面到
 
「本來姐夫d舊同學講我知我都唔信,但而家我親眼睇到,你係拖住另一個女仔,你仲有咩解釋?」
 
「我…」
 
「啪!!!解釋呀!!!」雪晴起左手摑去右邊面
 
「啪!!!解釋呀!!!」「啪!!!解釋呀!!!」「啪!!!解釋呀!!!」「啪!!!解釋呀!!!」「啪!!!解釋呀!!!」「啪!!!解釋呀!!!」「啪!!!解釋呀!!!」「啪!!!解釋呀!!!」「啪!!!解釋呀!!!」
 
雪晴不停左右開弓咁摑過去
 
「好啦Karen,妳再打佢會暈架啦」Jasmine同Ivana係契媽指示下去阻止雪晴打人
 
「我同你再冇關係…你以後…係以後!!唔好再俾我見到你!!!」


 
「雪晴呀…」
 
「啪!!!」我都忍唔住摑左佢一巴
 
「我個妹個名係你叫架咩?我同你講,唔好俾我再見到你係我個妹生命中再出現」
 
「但係…」
 
「雪晴,我地走啦」
 
「嗯…」走果時,阿風一個舊校同學將一包紙巾遞俾阿妹,同摸下佢個頭
 
「唔洗為呢d男仔而喊架知唔知?」阿風舊同學對住雪晴好溫柔講
 


「知…知道」
 
「有咩事就搵妳姐夫幫手,佢背後有我地一班同學永遠做佢後盾」
 
「唔該哂你…」雪晴好有禮貌咁回禮
 
「雪晴…」
 
「啪!!!我個妹叫你死開呀!!!」Jasmine同Ivana都忍唔住走去摑佢
 
「好啦好啦,交返俾其他人處理啦,我地返屋企啦」阿風下令佢地停手
 
「Stanley,唔該哂你」
 
「乜說話,我唔似你咁揪得,但我總可以幫到手」


 
當我地上左車,部車離開之時,我就見到佢俾阿風 d舊同學重重包圍,同埋Stanley向我地揮手,另加一個面紅紅嘅F.2女學生