「你…真係阿風?」
 
「係呀傻強,當年你搞亂雪凝檔野係我幫你睇水,你仲落左好多生粉去雞翼到,落多半枝油,倒哂電飯煲D水然後亂加水,你唔記得?」
 
「咁….你真係阿風黎」
 
「Jessie…妳點搵到佢架?妳地幾時開始拍拖架?」有同學好奇咁問
 
「我而家同佢係同班同學,我地9 月相遇返」雪凝講果時望住我,笑得好甜
 


「同班?但係Jessie妳係讀女校架喎」
 
「我係女校男生,我用會考8條A考入左我媽咪以前間學校,即係雪凝果間」
 
「8…8A?!!」
 
「阿風,我知道…你媽咪已經走埋,你而家點呀?」Miss Lau好擔心咁問我
 
「冇架,同家姐兩個住囉,不過家姐做空姐,陪個高級副機長嘅男朋友…應該叫姐夫架啦,成日飛咁囉」
 


「咁平日邊個煮飯俾你呀?」楊Sir開始八掛
 
我望一望雪凝,佢都做個鬼臉俾我
 
「一係雪凝放學同我買餸去我屋企煮,大家放心,佢個妹都一齊黎我屋企嘅。再唔係就去佢屋企到食囉。答得啱唔啱呀?」
 
「係呀,全中呀」
 
「你地…拍拖幾耐?」有d小學時代已經鍾意雪凝嘅同學問呢條問題
 


「唔…3至4個月囉…我係雪凝生日果日正式同佢拍拖,咁咪慳返餐囉」各個男生都非常認同
 
「yeah~~~~~~」
 
「好cheap呀你地!!!!!!」呢個係班女生嘅回應