為了實現媽媽遺願，我成為了女校男生: 同流合污

「喂?邊個係我跑緊步時打俾我呀?」我已經由每晚跑出改為隔晚跑步
 
「阿…阿風呀?我係Stanley呀…」佢嘅聲音有點驚
 
「做咩咁驚咁呀?大家男人，你想做1定0?我冇所謂喎」
 
「你…你咪玩啦，聽晚，有冇時間出黎飲杯野食下飯?」
 
「喂，你次次9點就俾人追殺，我好難同你食飯喎」
 




「我同左屋企講，聽晚約左人，唔好打黎煩我」
 
「搞咩呀?你通常都自己搞得掂問題架喎，除左一樣野之外……」
 
佢戰戰兢兢咁答我「呀……係果樣……」
 
「咁你知道我一定唔會自己出現架啦」
 
「下…你想叫埋…」
 




「得啦，我已經知道咩事架啦，我只係帶雪凝黎，而果個女主角呢，我就搵我個妹洗走佢，有冇問題呀?」
 
「下…呀….咩女主角…」
 
「我唔係唔知嘅，女主角呢，就同你上演緊一套戲，而我個妹呢，亦都想上另一套，係唔係呀?」
 
「呀…係….」
 
「DLS，你地係咪孌童辟架」
 




「唔係…只不過呢…」
 
「得啦!!17歲同13、14歲其實相差唔遠，只係班級上好似好遠咁者，有咩就聽日講啦」
 
第二日放學，詩敏俾我踢爆左之後，被迫聽我講帶走雪晴
 
我一個人走入F.3E班房，一入去佢已經發現我存在
 
「風哥哥!!!做咩黎搵我呀?俾雪凝姐姐罰呀?」
 
「樂善堂書院，F.6B，李健熙」我係佢耳邊細細聲講
 
詩敏聽到之後碌大隻眼之後再後退幾步
 
「你…你點知架…我今次收埋得好實」




 
「妳放心喎，只要妳肯合作呢，我就會幫妳收得密密實實」
 
「呀!!!要咁樣做交易呀?」
 
「咦?喂!!!恐怖雞喎」
 
「好啦好啦!!!!想點呀!!!」詩敏真係好驚契媽
 
「妳洗乜驚者」
 
「得啦…..不過你點知架!!!」
 
「上次之後，雪晴有時會孖住妳放學去見大哥哥，咁果個哥哥又怕羞喎，佢咪又拉另一個黎，咁咪湊成兩pair人囉」
 




「呀…..早就話左咪咁搞」
 
我走埋詩敏身邊摸佢個頭
 
「咁我個妹又靚，又有少女身材，係脾氣臭左少少，吸引到男仔好正常丫」
 
「咩呀!!!我好小鳥架」
 
「妳同契媽有咩分別呢?」
 
「咁你想我點幫你呀?」
 
「今日幫我洗走我姨仔，我同雪凝兩個去見下佢果個，遲d到妳果個」
 
「得啦得啦!!你呀!!!咪同媽咪講呀!!!一陣我又要去你屋企到住架啦」




 
「冇問題」
 
我地呢d，就叫同流合污

放學後，我同詩敏分頭行事。我同雪凝藉口補課要留低，而詩敏就帶雪晴去睇野
 
大約6點半鐘，我地去到一間pizza hut坐低，Stanley亦係差唔多時間黎到
 
「阿嫂妳好…」
 
可能係上一次雪晴差d俾男仔呃嘅關係，今次雪凝嘅戒心好強
 
叫左野飲之後，雪凝開始審犯，係審犯
 




「開始幾耐?邊個行動先?」
 
「阿嫂…係上次妳地黎完我地學校幾星期….有一日有個著藍色長衫嘅校服嘅女仔去到我地學校門口…」