原來細姐姐係上星期五已經同人開始左啦,雖然佢地同平時一樣不停互串,但佢地係地下情關係,所以係街上唔太親密,佢地屬於甜蜜的互串。
 
細姐姐同契媽一樣,係其他人面前係非常強勢,但係自己心愛嘅人面前,就變得非常小鳥伊人
 
暫時佢地兩個嘅關係,只有我同阿翀知道
 
果一晚,佢依舊輕輕拖住我隻手送我返屋企
 
「阿翀…」我已經改口直接叫佢個名
 


「唔?咩事呀?」
 
「你記唔記得…今日係咩日子呀?」日曆上,今日正正係白色情人節,係男仔向心儀女仔回禮或者回覆對方表白嘅日子
 
「今日…3月14號」佢依然怕怕羞羞咁答我
 
「咁你……」其實我已經好主動,做女仔始終唔可以咁架,要有D矜持先得架嘛
 
「雪晴……其實…我考慮過…我地相差會唔會太…同埋妳家姐好似唔太想妳…」
 


原來又係年齡同年級問題!!!
 
「既然…你係咁諗就算啦,當我今個月冇同你相處過啦」眼淚不知不覺由眼窩流到瞼上
 
我企係海邊悟住塊面,阿翀係我身邊遞紙巾俾我
 
「你行開呀!!!我唔洗你咁好心呀!」
 
「雪晴…妳聽我解釋啦」
 


我用充滿淚水嘅雙眼望實佢「冇膽鬼! 冇膽鬼!!冇膽鬼!!!」
 
佢聽到我咁話佢,就立即耷低頭