為了實現媽媽遺願，我成為了女校男生: 恐怖雞審犯

契媽坐係我舊校會客室，Miss Law就坐佢隔離，四位主角就好似等打靶咁企係到
 
「兩位同學，你地應該知我係邊個」
 
「係…Miss孔妳係詩敏個媽媽…英華女校訓導主任…阿風嘅契媽」
 
「我綽號呢?」
 
「恐…恐怖雞…」
 


「你係陳翺翀係唔係?」
 
「係…」
 
「個名幾好，翺翔天際，衝上雲霄」
 
「多謝Miss孔…」
 
「你想做藥劑師係唔係?」
 


「係…」
 
「你鍾意我契女d咩?」
 
「其實雪晴佢好有主見，比起同年齡同學更加識為其他人著想，會好照顧其他人，佢為左佢身邊嘅人寧願自己辛苦都唔想麻煩其他人」
 
「Jessie佢有冇講錯?」
 
「冇呀奶奶…阿妹…的確係咁樣」
 


「同學你以前拍過一次拖係唔係?」
 
「係…」
 
「點解同人分開?」契媽問到呢條問題，我地咁多人都忍唔住偷笑
 
「因為…我掛住讀書冇理到果位女仔…所以就…」
 
契媽都忍笑忍得好辛苦，可能佢未見過因為讀書而俾人飛嘅男仔
 
「ok…李健熙同學」
 
「係!」
 
「你應該知道，詩敏係我心肝寶貝，佢爸爸嘅掌上明珠，我地屋企嘅獨生女」


 
「係…我知…」
 
「知嘅話你仲敢去追佢?」契媽嘅殺氣突然充滿整間房，如果契媽知道當年我同詩敏越界嘅事…佢會點?
 
「媽咪呀…」
 
「咪嘈!!」
 
「係…」
 
「Miss孔…我一開始已經知道詩敏家庭背景，我鍾意左佢兩年，佢F.1果時跟我地打波果時我已經…鍾意左佢」
 
「我個女有咩好?我唔要聽佢靚女呢個point」
 


「Miss孔，其實詩敏的確脾氣比較差左少….少!!!!!」阿熙最後個小字點解咁高音?因為詩敏咬緊佢
 
「詩敏!!!」
 
「咁佢話我脾氣臭丫嘛」
 
「妳的確係丫，都係因為妳Daddy寵到妳咁」
 
「Jip」
 
「其實詩敏佢心地好好，有時...有時都好溫柔，佢間唔中都善解人意，雖然平日都係似惡霸居多，成日久唔久起飛腳粗粗魯魯，但實際上佢係關心人先咁惡」
 
契媽邊聽邊點頭
 
「你地兩個出年AL……我唔希望你地因為佢地兩個而入唔到U，總之你地四個測驗考試有一科唔合格，都唔洗旨意再來往有冇問題?係連坐法，記住」


 
「知…知道Auntie…」
 
「Jasmine!!」
 
「係…媽咪」
 
「麻煩妳似返個女仔，改下妳嘅臭脾氣，唔係個個男仔都忍受到妳D脾氣，我諗世上同阿熙同妳阿哥接受到妳」
 
詩敏扁起個咀「哦，知道」
 
「雪晴」
 
「係…契媽」
 


「妳始終得13歲，出去行街果時唔好有太親密行為，著住校服就更加唔好」
 
「知道」
 
「不過我批准妳地兩個拍拖，唔代表妳地爸爸批准」
 
「下…仲要ba b俾先得呀?」
 
「daddy應該冇問題嘅…」
 
「兩位男同學」
 
「係!」「係!」
 
「麻煩你地俾少少風度出黎，要認真照顧兩位女仔」
 
「我地知道架啦」
 
「如果有咩事，例如一腳踏兩船嘅話，阿風」
 
「係!」
 
「如果佢地一腳踏兩船，令到兩個妹妹唔開心…」
 
「係…」
 
「我批准你使用一切武力去解決問題，乾淨d有冇問題?」
 
「冇問題」