為了實現媽媽遺願，我成為了女校男生: 阿may & Leon

「佢叫咩英文名呀Jessie?」Ivana同Joanne好想知
 
「佢叫…哈哈哈哈…等我笑完先啦…」阿b果陣英文名係完全唔襯佢
 
「阿嫂，係咪完全唔襯佢呀?超老土呀」
 
「我都記得啦!!!哈哈哈哈!!!!白馬王子喎，一d都唔似囉」
 
阿b好無奈咁坐係到
 




「快d講啦Jessie!!!」
 
我指住佢「佢叫Leon呀!!!」
 
然後Joanne同Ivana忍唔住笑到流眼淚
 
點知，阿b將呢d笑料燒到我身上
 
佢將我扶起，放我埋黑板到，然後璧咚我，用手提高我下巴。現場有好多同學尖叫
 




「喂呀!!!錫咀呀」「快d咀啦，我地想睇呀」
 
「喂….喂呀…呢到學校黎架」我好怕羞咁講
 
阿b將個咀愈伸愈近，我合埋雙眼等佢錫落黎，第一次公開係學校咀咀，我個心跳得比平時更快
 
「點呀?阿May?」佢係大家面前講出左我小學四年級超娘爆超村姑嘅英文名
 
「你…你…你做咩講出黎呀!!!!」我聽返以前個英文名就覺得好怕羞，的確，我係因為阿b叫Leon我先叫阿May
 




「嘩!!!Jessie估唔到妳以前仲娘呀!!!真係娘爆!!!!」Ivana笑得仲大聲
 
「Leon同阿May呀喂…和記廣告咩，哈哈哈哈，妳地想唔表演都唔得啦」Joanne拍哂手
 
「我記得啦!!!姐夫你果陣唱…唱咩呢……我唔知首歌叫咩名呀!!!不過係廣告歌黎架」
 
「Jessie!!!快d講果陣佢唱咩歌啦!!!妳一定係聽完佢唱歌先更加鍾意佢，改自己做阿May」
 
「唔講呀!!!」果時我塊面紅到一個點
 
「喂!!!Leon!!!你講啦」
 
「I Love You！ 你會否聽見嗎？　你會否也像我？ 秒秒等待遙遠仲夏？  I Love You！ 你不敢相信嗎？　我已深愛著你！ 見你一面也好　緩我念掛」阿b再唱返一次出黎
 
「嘩!!!!夏日傾情呀!!!!真係Leon同阿May呀!!!」




 
「咪唱俾佢地聽啦你!!!」
 
「不如咁啦Joanne，我幫妳地上台唱下歌，搵舊同學搞下楝篤笑啦」
 
「都好，咁麻煩哂你地啦」Joanne非常開心咁講
 
「張詩敏、林雪晴，妳兩個準備受死啦」阿b好奸咁望住佢地