為了實現媽媽遺願，我成為了女校男生: 你問我答Vol.2 (2)

「大家都知…我4年級果時爸爸走左啦，咁我果陣都冇返幾日學，到我正式返學果日呢，其實大家都唔知咩事嘅，唯獨係雪凝發現我有黑紗，咁佢見到就主動黎問我有冇事?仲陪左我成個星期，自從果日之後，我就更加鍾意佢」
 
「咁Jessie呢?小學時代最難忘經歷係咩呀?」
 
我面紅紅咁用另一隻手掩住個咀笑
 
「佢呢…係小學Last day果日，衝出校門追住我兩姊妹。」
 
「就咁咋?」
 




「然後佢就送左隻公仔俾我…之後再…」
 
「點呢?」
 
「之後再錫左我一下，拎走左我初吻」
 
Vivian聽到都係到偷笑「係唔係真係?Anthony」
 
「咁呢個又的確係真嘅，我覺得果日可能係人生中最後一次見佢，倒不如去自爆就算」
 




「咁Jessie妳F.6，第一眼見返佢開唔開心架?」
 
「舊年呀…第一眼見返佢果時呢…個心跳得好快好快，又好緊張」
 
「我又想問下啦，Jessie妳小學果陣點解會叫阿May嘅?」
 
「因為…佢以前小學叫Leon，咁我想襯返佢，咁啱果陣黎明天地線廣告個女主角叫阿May，咁所以…我就叫自己做阿May…」
 
「咁有傳聞呀…傳聞，妳地暑假去左影婚紗相喎，請問係唔係真?」
 




全校都好期待我同阿b答呢條問題「係!我地剛過左個暑假去左影婚紗相」
 
“嘩!!!!!!!!!!!!!!”
 
「點解咁浪漫去影?莫非妳地準備結婚?」當一聽到結婚呢兩個字，好多同學都大叫羨慕
 
「唔係呀，費事佢人老株黃果陣要去影咋，趁而家後生好影定咋」
 
「嘩!!!!!咁cheap架你」…「cheap精!!!」
 
「呢條問題問Jessie先，咁照顧Anthony辛唔辛苦呢?又或者咁問，做女校男生嘅女朋友會唔會好辛苦?」
 
「其實…每個男仔都係大細路，當佢地係小朋友咁湊就冇問題，如果妳問做女校男生嘅女朋友壓力大唔大呢…其實都唔太嘅」
 
「咁我好少聽妳地鬧交，咁其實相處之道係點呢?」




 
「唔……我地兩個都好坦白嘅，冇咩野呃對方，有咩都開心見誠咁講」
 
「例如呢?」
 
「例如我問佢今日個市升左喎，今日賺幾多呀?咁佢又真係答我喎」
 
「咁Anthony呢?」
 
「我每日屙左幾多次屎同尿、份量我都會同佢講」
 
「你真係好痴線」Vivian笑到肚痛
 
「咁問下先，如果…我話如果，Anthony而家係呢到同Jessie妳求婚，妳會唔會嫁俾佢?」
 




「嘩…妳咁直接架」
 
「嫁定唔嫁?好簡單嘅問題」