「Good morning Miss Lam」
 
「各位同學,我係妳地嘅班主任林雪凝老師,Jessie Lam,恭喜大家入到我地學校,希望大家好好享受呢6年中學生活,因為中學生涯,係大家最開心、識到最多朋友嘅日子。11年前,我同大家一樣,著住同一套校服,坐係課室聽返同一番說話,7年前,我妹妹都係聽返同一番說話。當年訓導主任綽號恐怖雞係而家副校長Miss孔…所以大家已經好幸福…希望大家好好珍惜學校生活時光」
 
「係!Miss Lam,我聽講妳係當年連續7年模範生,去到F.6同F.7先有個女校男生同妳做雙模範生,即係呢間學校曾經有男仔黎讀,我想問係唔係真架?」
 
一提返起女校男生,我自然諗起阿b,最瘋狂嘅男仔,我最愛嘅男仔
 
「冇錯,我係呢間學校第一個連續7年都拎模範生嘅學生,我同對上兩個女校男生都有好大淵源,做得我地學校嘅女校男生,一定要係最叻嘅男仔。佢地當年一個以會考9A,一個8A入學,而且佢地仲係兩父子。爸爸係呢到識左媽媽,生左一仔一女,係家姐同細佬。之後我地兩位校友不幸因病離開左,佢地個仔仔為左實現媽媽嘅遺願而黎左讀書升大學,佢亦係我同班同學,最重要…」
 


「最重要係咩呀Miss Lam?」
 
「最重要呢…佢係我小學同學,小學畢業之後我地失去聯絡。再係呢到相遇返」
 
「咁Miss Lam,果位男同學有冇係到追女仔呀?佢而家做緊咩工呀?」
 
俾我d學生咁問一問,我塊面都紅左
 
「佢而家係實習機師,應該…今日會返到香港,anyway,大家好好享受生活ok?」
 


「Miss Lam,妳未答我地佢有冇好似佢爸爸咁係學校追女仔喎,而家我地DSE學生唔會再有女校男生啦,俾d幻想我地可以嘛…」
 
「佢有冇追女仔呀?當然有啦,仲係畢業典禮當日當面向人地求婚添」我講果時諗一諗當日嘅情況,個心甜一甜,而我班學生就好開心咁尖叫
 
「好浪漫呀!!!!!」
 
「Miss Lam,咁當日妳有冇在場見證呀?」
 
「我同班同學喎,當然有啦,因為果日我都係畢業生,我呢個同學,做事好瘋狂,妳永遠估唔到佢下一步會做d咩」
 


「嘩…咁果陣個場面一定好浪漫好感人,果位男生叫咩名呀?」
 
「佢叫….Anthony Ching,程逸風」
 
「咁佢未婚妻呢?」
 
「呀……果個女同學姓林….林….」俾我班學生咁問法…我真係唔知點開口好,就係我準備開口講個「雪」字之際,操場傳黎左一把熟悉嘅聲音
 
「微波爐!!!!我返黎啦!!! 」
 
我班學生聽到之後呆左,我不禁偷笑左一下
 
「佢真係同以前冇變過,一樣咁瘋狂,果位女校男生返左黎啦,大家可以出去望下」
 
阿b把聲吸引哂全校學生出走廊到,情況就好似當年開學果日佢俾一大班孖辮妹望住咁。大家企係走廊議論紛紛。


 
當年佢向我求婚學年嘅小妹妹,今日已經變成大姐姐,佢地都認得阿b
 
「Jessie姐姐!!!!佢…係佢呀!!!」
 
我企係一樓走廊望住著緊機師制服嘅佢,佢望返上黎大叫
 
「Jessie Lam林雪凝!!!我地去結婚啦!!!」
 
「Miss Lam?」我班學生聽到阿b咁叫我,顯得非常驚訝
 
「冇錯,果位女校男生嘅未婚妻,係畢業典禮被佢求婚果位女同學,就係我,我地學校對上兩位女校男生 ,一個係我老爺,一個係我老公」我對住我班學生微笑
 
「好浪漫呀Miss Lam!!!」
 


「Miss Lam妳笑得好甜呀!!」
 
「喂!!!bb豬老婆!!!妳肯落黎未呀!!!返屋企煮飯啦!!!」
 
「得啦!!!落黎啦!!!」
 
1年多後,我地再一次係學校重逄