為了實現媽媽遺願，我成為了女校男生: 再次擁抱

我企係操場，望一望一樓，已經見到雪晴同契媽企左係到
 
我望一望呢間學校，爸爸媽媽係到相識，我同雪凝係到相遇，呢間女校俾左我好多回憶
 
我吸一口氣對住雪凝果班嘅課室大叫
 
「微波爐!!!我返黎啦!!!」
 
當全校學生走出走廊八下咩事果時，我見到雪凝同佢班學生企左係一樓。而有一D認得我嘅學妹，就非常開心
 




「Jessie姐姐!!!!佢….返黎啦」
 
我對住雪凝大叫
 
「林雪凝!!!我地去結婚啦!!!」
 
佢身邊嘅學生望實佢顯得好驚訝
 
「喂!!!bb豬老婆!!!妳肯落黎未呀!!!返屋企煮飯啦!!!」
 




「得啦!!!落黎啦!!!」
 
我地分開一年幾之後，再一次係學校重逢，雪凝隻眼再一次充滿淚水
 
佢企係我面前，睇一睇錶
 
「果然…冇遲到，程逸風初級副機長，套制服…好襯你」
 
「我地去註冊好嘛?林雪凝老師」
 




「嗯」
 
我地再一次係學校將對方個咀痴實，同時全場學妹大叫
 
「Jessie姐姐!!!!好幸福呀妳!!!」「Anthony!!!!你好型呀!!!」
 
「恭喜妳呀Miss Lam!!!!」
 
我地係全校祝福之下，再一次擁抱