當日我連續向果個男仔星左5至6把,下下都好用力咁打落去,家姐帶我離開姐夫舊校果時,有一個大約175cm高,非常文質彬彬嘅四眼哥哥遞左包紙巾俾我,再摸下我個頭
 
突然之間,我全身好熱,我應該又緊張起上黎啦
 
「唔洗為呢d男仔而喊架知唔知?」大哥哥好溫柔咁對住我講
 
「知...知道啦...」
 
當我地坐住契媽部車離開之時,佢仲向我地揮手微笑
 


就過左兩日,我跟住家姐上姐夫屋企,走入佢間房不停搵佢D野
 
「阿妹妳係到搵咩呀?」
 
「哦!我想搵呢...你D舊校刊呀」
 
「校刊呀?唔…係書架上呀…妳用黎做咩」
 
「唔好問咁多啦!!去幫家姐手煮飯」
 


我不停係校刊中搵佢,佢應該係同姐夫同班架喎,搵到啦!! Stanley CHAN    ,陳翺翀
 
嘩…佢細個俾人野抄個名果時一定好慘
 
再睇一睇其他野,佢由F.3到F.5,成績同姐夫不相伯仲,佢亦都係作文比賽冠軍之類,可以咁講,姐夫係武,佢係文
 
我一邊睇,塊面一邊紅,我用電話影低哂所有資料之後,將校刊放返原位
 
係姐夫間房,我發現左樣野
 


除左有幾張家姐嘅相之外,仲有一張佢同朋友打籃球嘅相。相入邊有姐夫同翀哥哥之外…仲有Jasmine姐姐係到,佢地著住同一套籃球衫。張相應該係兩年前影,相中嘅Jasmine同姐夫好close,莫非佢地兩個之前…
 
「阿妹妳睇咩呀?」
 
「呀…姐夫,我睇緊你以前打波張相之嘛,好似咁多人我都見過嘅?」
 
「哦…..佢地好多人都有份幫妳圍果個賤人架嘛,拿…呢個係阿熙啦…話妳知啦…佢暗戀詩敏好耐……由人地F.1開始」
 
「估唔到喎,引黎咁多蜜蜂」
 
「拿…呢個係怕羞仔,佢真係極度怕羞,但係讀書就好叻」
 
「怕羞仔?咁熟口面嘅?」
 
「果日遞紙巾俾妳果個咪就係佢囉」


 
「點解叫佢怕羞仔呀?」
 
「佢呀……只係識讀書,對女仔係極之怕羞,佢F.4之後都冇拍拖」
 
「哦…」
 
我係姐夫唔為意果時,寫低左佢資料