為了實現媽媽遺願，我成為了女校男生: 詩敏番外篇(1)

「哥哥!!同我玩新娘子遊戲丫」
 
「好呀!我做新郎!」
 
「我大個要做你新娘子架!」
 
呢個係4歲嘅我同7歲嘅佢，呢個新娘子遊戲，我一直同佢玩緊，但最後企佢身邊嘅，唔係我。
我係家中獨女，媽咪流產左幾次，我冇左幾個哥哥姐姐先陀到我。但我又有兩次差D流產，所以當我出世健健康康，就係果日，媽咪就當我係心肝寶貝，掌上明珠。凡係接近我身邊嘅男仔，只有死路一條，除左佢。
 
自從升左中學之後，我同佢關係冇以前咁親密，以前我地總係一齊沖涼，一齊孖鋪，但而家已經好少見到呢d畫面


 
呢個男仔，叫程逸風，佢係我一生人中最愛嘅男仔。
 
 
佢係我媽咪中學同學個仔，佢爸爸係我地學校嘅女校男生。當契爺契媽過身之後，媽咪成為左佢地兩姊弟監護人。我經常可以見佢。但唔代表佢鍾意我嘅，我知我係佢心目中有一定嘅地位，但唔及佢書檯上果個女仔地位咁高。果個女仔係佢小四至小六同學，而我亦係升中學第一日就遇見佢。
 
開學日，daddy車到我去學校附近，我就落車自己行
 
「小心d呀乖女，一陣係學校乖乖地呀」
 


「知啦daddy，我唔會俾麻煩媽咪喎」
 
冇錯!我讀嘅中學，係媽咪所教果間，亦係媽咪嘅母校
 
我媽咪係學校嘅訓導主任，綽號恐怖雞。佢嘅獅哮功聞名方圓幾個地鐵站嘅學校，仲有佢所帶領嘅訓導處戰隊同埋體育老師軍團，令到我地學校擁有被認為係四周有結界、男性生物踏入即化成煙嘅傳說。
 
今日，我仍然未瞓醒咁，邊R頭邊行入校門