為了實現媽媽遺願，我成為了女校男生: 番外篇後記
終於連番外篇都出哂啦，其實對我黎講，我更加鍾意雪晴同詩敏呢兩個角色，因為佢地傻得可愛。
原本詩敏嘅結局係好慘嘅，但係大家都好似想甜到最尾，所以我就cut左原有結局，將個美好嘅結局送俾詩敏。
大家係留言都好關心我健康，各位請放心，暫時食藥仲可以控制到。但我都決定疫情過後會去雪梨，可能我都會移民去澳洲。
另外有留言話仲想見到我故事中幾個主角，咁我係到同大家講啦，我個故事應該係有三部份嘅(應該咋)
大家睇到呢個係結局部份，由男女主角F.6到結婚10年之間嘅事，而番外篇就係作出少許補完，結婚後男女主角點樣，兩個妹妹又點樣。但係之前呢?女主角被名校生追緊果時佢個心諗咩?點解佢堅持要等?
男主角係中學F.3-5果段時間又點呢?剛剛失去雙親、要挑戰不可能的事，佢個心又點諗呢?
有人問我腦中嘅女主角係咩樣，咁我以公眾人物黎形容啦
雪凝 (西野七瀨、牧野真莉愛)
雪晴(山內瑞葵)
詩敏(江嘉敏)
Ivana(林穎彤)
Joanne(白間美瑠)
最後好多謝一直支持我嘅讀者，我地有緣再見啦