《大台膠劇情》: 第一集-爆炸戲份

Rachel喺屋企做咩都鍾意開住部電視聽聲，成日睇大台嘅我都諗到編劇諗嘅嘢。綜合我睇大台嘅經驗，大台啲劇情全部都係半斤八兩。而家我梗係睇99台啦，但有時見到啲膠劇劇情都好好笑。
-
大台嘅劇好簡單。爆炸方面，愛情片、懸疑片、警匪片都係差唔多劇情（我講呢度暫時冇綁架嘅）。咁點解無端端爆炸呢？就係阿A得罪咗阿B，阿B要報復就放火燒嗰度（大廈/屋）。咁當然燒之前lock埋道門啦，但阿A就會好醒目聽到佢lock門，呢個時候佢就會叫「救命啊！」同係咁拍門。阿B就會倒啲火水/爆火水玻璃樽喺地下，再用打火機點火（鏡頭zoom個打火機）。跟住入面啲雜物燒著咗，有啲木頭、石油氣罐擺喺度專登燒旺啲。
-
但係燒咗好耐，都燒唔到阿A身邊。佢係咁大叫救命，往往死好彩有人聽到、見到。而救佢嘅阿C就見到道門lock咗，附近一定有工具破門，甚至攞自己隻腳同件衫就爆到度門。
-
入到去，阿C就問阿A，「你冇事吖嘛？」然後帶佢逃走，行咗出道門幾步之後，就會大爆炸。CG嘅特效誇大爆炸嘅威力，兩個人攬住跳一跳再仆落地，然後塊面流少少血、啲煙燻黑小小塊面咁，皮外傷。
-
最後，梗係去醫院檢查啦，「醫生，佢冇事吖嘛？」阿A嘅家人嚟到。阿A就同阿C講，多謝你救咗我啊！
-




（待續 To be continued）
-
睇完故事之後不妨畀個like支持Rachel BB，同埋請大家多多支持澄澄故事台。
-
（本故事經已上載至澄澄故事台Instagram、紙言、 TBC、Penana同埋網站專頁）

IG：chingchingstory