「如果在我讀書期間分手，等我回來重新追求你好嗎？」: ［阿宇］沒有身分妒忌

「咁突然既？」

嘉敏：「對唔住，之前對你咁冷淡，但你都仲對我咁好。」

「傻女，你有原因㗎嘛，我梗係要體諒你。」

嘉敏：「⋯⋯多謝你」

（斷線）



嘉敏：「我唔阻你啦，早啲訓啦，byebye。」

我快要被網絡氣死，剛連好線就看到嘉敏已經把話題斬斷了，我多想回覆她：「唔阻！！！！」

「Byebye～」

忍一時風平浪靜，退一步海闊天空⋯⋯

但殊不知這個念頭卻讓我深愛的人，落到別人的懷裡。其實緣分向來都是需要爭取的。



一眨眼就到暑假了，我和嘉敏的關係仍然是比普通朋友更普通。只不過是偶爾還會給對方發發訊息。

「你暑假有咩做呀？」

嘉敏：「我參加左暑期歷史文化課程。」

「吓？咩黎㗎？」

嘉敏：「就係係Kong U上四日歷史堂，雖然冇乜機會入，但係至少喺果度上過堂（笑喊）」



「嘩，咁幾好呀，係一個唔錯既體驗！」

「幾時上堂？」

嘉敏：「聽日呀！我要早啲訓啦，Kong U好遠⋯⋯」

「⋯⋯好啦，早抖啦。」

嘉敏：「早抖！」

——————————————————————————

「早晨！」

嘉敏：「早晨，我上緊堂啦～」



「有冇訓著呀？」

嘉敏：「梗係有啦⋯⋯好悶⋯⋯」

「笑死，你去到咁遠上堂咪又係訓？」

嘉敏：「但係呢⋯⋯坐係我隔離個男仔超級認真（遮眼）」

「咁你要學下人啦！」

嘉敏：「我都幾佩服佢，同埋佢答問題勁有條理囉！」

嘉敏一直跟我聊這個男生，讓我心底裡出現一絲危機感，更讓我有點煩躁。



「係咩？唔好咁留意人啦，聽書啦！」

嘉敏：「車，又係你叫我學下佢。」

—————————————————————————

嘉敏：「佢今日呢又坐係我隔離啦（遮眼）」

「有冇撩你傾計啊？」

嘉敏：「冇啊，因為我又係由頭訓到落尾。」

「啱㗎啦，訓多啲啦，咁早起身！」

嘉敏：「咁奇怪既你今日，平時唔係咁講㗎啵～」



「我驚你比男仔撩咋，你咁蠢，一陣比人呃點算？」

嘉敏：「我好聰明架！」

「總之聽我話啦，唔好隨便同男仔傾計。」

—————————————————————————

嘉敏：「佢今日問我攞電話（面紅）」

果然不出我所料，這個男生果然對嘉敏心懷不軌，故意每天坐在嘉敏旁邊。

危機感越來越大⋯⋯



不對不對，嘉敏這麼害羞，應該不會給他吧？

「吓？咁你有冇比佢啊？」

嘉敏：「比左呀！」

頓時一個晴天霹靂！我的語氣不經意地重了點。

「吓，點解啊？都叫左你唔好隨便識出面啲男仔⋯⋯」

嘉敏：「我覺得你又唔好咁諗人啦，人地咁認真讀書可以衰得去邊？」

嘉敏不理解我的心情，令我更加委屈了⋯⋯

「我都係驚你比人呃姐⋯⋯點解你要比啊？」

嘉敏：「我同佢present同組呀！你未見過人就唔好隨便評論人啦！」

我不懂為何嘉敏要幫他說話，明明我只是好意。

「我關心下你唔得咩？」

嘉敏：「你咁關心我做咩啫？唔該你關心下阿怡啦⋯⋯」

這句說話讓我頓時愣住了，不知道該怎麼反應。的確作為一個普通朋友，我沒有資格管她，亦沒有身分妒忌。在她眼中，我喜歡的是阿怡。

冷靜過來後，我也明白是自己衝動，可能只是心裡作祟，但期望他真的不是一個壞人。

「好⋯⋯對唔住，係我衝動左。」

嘉敏：「唉，冇嘢，我上堂先啦。」

「嗯，好啦，加油！」

但我心裡依然非常懊惱，第一次和嘉敏衝突，居然是因為一個素未謀面的男生。

我也怪自己過分衝動，破壞了我在嘉敏心目的形象⋯⋯