“傻左啊你!”我真係當堂嚇左一跳。馬上走近家姐,摸一摸佢個額頭問:“係咪燒壞左個腦?”

“豈丫。”家姐fing開我隻手之後講:“咁我地等錢駛啊ma,可能佢真係想影相呢?”

“邊有可能,打死我都唔信。”

“不如你問下佢,你可唔可以一齊去?如果你同我一齊去,咁就唔怕啦。”

“唔駛問都得,肯很定唔可以一齊。”雖然我把口係咁講,但係家姐堅持之下,我都唯有照做。





好快就收到對方回覆,答案竟然係可以!

“係咪啊!咁唔怕啦。”家姐一副都話左既樣。

“咪住,肯定有陰謀,一定唔去得。”我有啲不安。

“傻架你,人地都同意可以一齊去,我都未驚,你驚咩。你唔去,咁由我自己一個去囉。”

家姐真係天真過天真嬌啊!佢根本唔知自己既青春肉體係幾咁吸引。





我個腦高速運轉,不斷思考究竟有啲咩陷阱位,最後我覺得好有可能同場地有關。

於是乎,我試探性咁問對家,場地可唔可以由我決定。

唔駛一陣就收到回覆。仆佢個街,佢竟然都係話可以。

之後我再同佢傾其他細節,佢竟然全部都無所謂。而唯一既要求,就只係要家姐著校服,著返果套白色旗袍校服。

對家越順攤,我就覺得事情越唔簡單。但無計,家姐堅持無問題,而我又有少少期待對家真係咁單純。





就係咁,我同對家傾好晒細節流程,一個十萬既私影job,就咁樣定左落黎。

而就係因為呢個job,我誤左家姐終身。