家姐的底底誤我終身: 第七十三章 接返工接放工

事情既發展同我想像中一樣咁順利。家姐係當晚已經同啊仁分左手。唔一樣既係，慧兒無因為咁而同啊仁係埋一齊。

我真係好對唔住啊仁。不過，之後先諗下點賠償俾佢，而家當務之急係，點樣趁住呢個勢頭，將家姐帶返黎我身邊。

由家姐飲醉酒至到今朝佢偷望我下面，我知道，只要我地有足夠多既相處時間，一定會萬事大吉，水到渠成。

咁到底有啲咩方法增加我地相處既機會呢？我不斷係咁諗，係咁諗，最後淨係諗到陪家姐一齊返工放工。反正我衣家係無業遊民，大把時間可以用。

好快黎到星期一，我坐言起行，著得靚靚仔仔，唔知家姐返幾點既我，一大朝早就黎到家姐屋企樓下。



期間見到慧兒一個人返工，不過佢望唔到我。

“家姐無同佢一齊返工，實在太好。”我心入面暗爽。

唔知等左幾耐，一身OL裝扮既家姐終於出現。白恤衫，窄西裙，配上高踭鞋，再加上令人犯罪既身材，真係好撚正。

“hello家姐，我黎陪你返工。”我快步上前，等家姐一望到我，我即刻表明來意。

“做咩無啦啦陪我返工？”家姐邊行邊講，高踭鞋傳出有序既“咯咯”聲。



由於家姐最近先係中環返工，所以佢呢種打扮我好少見過，真係太適合家姐。一路行黎，吸引左唔少目光。

“無啊。。。家姐你最近先肯理返我，所以我想開始追返啲時間，我想每一分每一秒都同你係埋一齊。”

突如其來既甜言蜜語，家姐最易受落。

“你。。。你唔駛賣口乖，我仲未嬲完。”家姐咀硬，面就紅。

“係喎，慧兒呢，你地唔係同一間公司咩。”



“佢另一個部門，返早我半個鐘。”

“真係架！”我忍唔住發出左高興既聲線。

“咁開心做咩啊你。”

“緊係開心啦，無佢會阻住我地二人世界。”

“痴架你，邊個想同你二人世界。”家姐撥一撥頭髮。

我地兩個肩掂住肩，邊行邊傾，感覺就好似返到去之前一樣。

歡樂既時間過得特別快，家姐住既地方離公司好近，車都唔駛搭，轉眼間我地已經就快到佢公司樓下。

“唔駛再送啦，岩岩見到幾個同事，佢地係咁望住我囉，好尷尬。”家姐面都紅晒。



“你同佢地講我係你男朋友咪得囉。”

“唔得呀，慧兒知你係我細佬。。。”

“係喎。。。”

“係喎係喎，都唔知點同啲同事講好。”家姐怕羞得黎又有少少困惑。

“無事既，細佬送家姐返工有咩問題。家姐，今日我會過黎接埋你放工，拜。”我見已經家姐公司樓下，拋低呢句說話後，就同家姐揮手say bye。

“都話唔駛囉。。。”家姐未講完，見我已經行開左，只得無奈地同我揮手道別。

係氹返家姐呢件事上面，我絕對唔會含糊。之後連續幾日，家姐返工放工，我都梗係左近等待。中間果段時間我就用上下網炒下股咁，都算自在。



而家姐每一次見到我，佢都會話：“都話唔駛囉。”但漸漸呢句已成為口頭襌，一講完就同我繼續有講有笑。

感覺真係已經返到去從前。

呢日我繼續係到等家姐收工，但等極家姐都未出現，正當我以為出左咩事，家姐忽然打俾我。

家姐：“細佬你仲係我公司樓下？”

我：“梗係，我話左每一日都會黎接你。今日做咩咁遲？”

家姐：“我困左係公司廁所到啊。。。道門唔知做麥開唔到。啲同事又走晒，你上黎幫一幫我。。。”

我：“家姐我好快到，你等等。”

家姐講低左佢公司樓層同大門密碼後，我就成支箭咁衝左上去。